近幾個月黎打卡打到11號就會打左去第2日果格，
即係11號打左落12號，12號打落13號如此類推，
到16號打去另1邊先恢復正常，但月尾又無事喎，
最離奇o既地方係只有我1個出現呢個問題，
其他同事無事，頭1次發生呢種事可能係張卡問題，
可能係啤得唔好但肉眼睇唔出，連續幾個月都咁，
就真係好邪，又諗過係咪我用橙色筆黎寫名，
同卡機入面認顏色系統有衝突有bug所以出錯？
階因張卡正面係藍色背面係橙色，不過諗多左，
打卡機又點會高科技到有識別顏色o既系統丫？
我估佢要認邊面係正面邊面係反面係認個角位，
右下角係兩邊唔對稱，唔會過左16號打番落1號，
而我上個月亦都專登用藍原子筆黎寫名同月份，
結果11號放完農歷假番黎打卡又係打左落12號。

到今個月終於正常打到卡啦，11號到16號都無事，
不過亦換左疊唔同牌子o既新卡，舊果疊用晒，
所以唔好賴邪唔邪釘，係物理問題。