又到1年1度o既公司聖誕派對，場地我都係收左工先知，
今年響九展燒烤場搞，雖然係響商場入面但都係露天，
格局都幾靚下，不過星期5晚都好冷清，蝕租蝕死佢啦。

早兩日抽好簽知道禮物邊個送比邊個，我抽到送比sam，
本來諗住買掃地機械人，但何里活商場都無賣平d果隻，
貴d果隻就貴好多，所以轉買samsung galaxy tab A，
所謂得人恩果千年記，亞sam都幫過我講好說話，
frankie向老闆打小報告話某餐廳投訴我做o既稿唔靚，
果個係亞sam個客，佢打去問番無d咁o既事，
擺明frankie無中生有，所以呢獲又幫我解圍，
我知道佢唔係專登幫我，佢只係公道有果句講果句，
不過都係幫左我，再加上知佢坎呵o既身世，
所以送禮送份好d都係值得o既，如果係抽到新同事，
果份禮物就真係金沙啦 XD

食緊途中落雨，搞到又要臨急臨忙搬d野食去有遮位，
其實早就有落微微雨，叫職員開d遮佢地唔肯，
話咩野大風會吹跌之類，之後落大雨咪又係要開？
d職員果然唔多掂囉，唔怪得知生意唔多好啦。