久違左兩年o既冬天呀，無錯，係兩年呀！
上年全年都夏天，所謂o既冬天我都係著夏天衫，
已經忘記左冰冷o既手摸落塊面果種感覺，
已經忘記左開大坐落塊廁所版果種壓力，
仲有番到屋企無出汗o既方便，呢d先係冬天丫嘛！

上個禮拜買左部投影機，應該要享受響被竇睇片，
但好衰唔衰呢個禮拜差唔多晚晚都要OT！
放工番屋企無晒私人時間直接訓教第朝又番工，
連禮拜6今日都要番工加班，真係唔係時侯！
點解唔比我好好咁享受1下冬天o既假期呀？
天文台又話下星期1會回暖，錯過呢幾日冬天，
又唔知會唔會好似上年咁變番夏天？

PS：目前都未開暖爐，出門只係著多件風褸，
熱果陣除左佢可以綁響腰間進可攻退可守，
唔係好敢著有帽衛衣驚出汗又唔方便除衫，
仲未去到好嚴寒o既。