呢排認真禍不單行，3月壞抽氣扇，
兩個禮拜前先壞完冷氣機滴水，
衣家輪到壞熱水爐，臨到夏天先壞呢d野！
其實前幾日熄左熱水爐個電源掣，就出事啦，
話說果個電源掣係幾年都長開無熄過，
只係兩個月前整抽氣扇以為個師父會熄總掣，
所以熄左1陣，點知原來佢唔熄總掣都照整，
諗住衣排開始養成熄熱水爐電掣o既習慣，
點知熄第2次就壞左。
上星期4朝早起身聽到廚房傳來奇怪o既必必聲，
走過去睇，係熱水爐自動又開又山發出o既響聲，
有時仲連續必幾下好頻密，熄左個電源掣，
再開番都係咁，壞呢d點可以安心沖涼呀？
其實個熱水爐打從買番黎個衡溫系統就有問題，
1係就d水熱到辣手，1係就無熱水出凍水，
唔係太熱就太凍無個中間位，要開水龍放住d水，
先至可以調較到適中o既水溫，幾年黎1直係咁，
都想換好耐架啦，諗住等流動儲備再多d就換左佢，
點知衣家壞d無可忍受o既野，唔換唔得。
呢次買部4800蚊(亞媽出)又係未聽過o既德國品牌，
本來部野標價5800蚊架，個店員平1千蚊比我，
見係咁就買啦，唔係就買左部3700蚊o既日本牌子。
今日安裝完，試用之下，都係有之前個衡溫問題，
d水唔係太熱就係太凍，1部又係咁兩部又係咁，
不過呢部好似好d，水龍頭可以放少d水都適溫到，
但係都係要1邊放水1邊沖囉，唔可以就咁開黎沖。
|
