巡例寫下跨年，可能連續幾年亞媽都無陪我過，
今年亞媽有過黎我呢邊，就用投影機播劇比佢睇，
10點左右就轉播新聞直播睇下各區情況，
由於修例風波持續，今年跨年都同以往好大分別，
熱門地點包括旺角、蘭貴方、尖咀都有防暴戒備，
但仍然好多人聚集，旺角果邊已射水砲驅散人群，
無論係邊個熱門地點，d人都係叫住果d政治口號，
其實都好1面倒，唔會聽到相反政見o既口號對衡，
不過無線新聞台係無播各區實況直播。
到到就快踏正果下，1邊播住直播同時亦開tvb，
又睇下大台有乜贈慶節目，結果係完全無倒數！
居然踏正果陣仲係做緊d清談節目？有無搞錯？
咪仲衰過2016年亞視執粒果陣播舊年賀年節目？
雖然係舊o既都叫做應下節丫，tvb就完全唔理？
係唔係因為取消左維港煙花匯演就索性唔倒數？
今年難得亞媽有黎到，我都無打機跨年啦，
以前幾年都係響RO(甚至MHFO)睇下d人洗頻，
跨年果下打開窗口都聽到出面疑似放煙花聲音，
應該係市民自己放，亦聽到連續o既政治口號，
唱山歌咁維持5分鐘，旺角直播果邊都有人放煙花，
放完煙花無幾耐警方都放煙，不過係催淚煙，
40分左右我先響whatapps send新年sticker，
今年無再send比d好日都無聯絡果d朋友啦，
只係send去駱克同亙動個群組，不過無回音，
咁o既社會氣氛個個都無心情happy new year啦，
所以今年都低調d唔周圍send啦。
|
