本來最近新居o既爭鮮要行過天橋穿過另1個屋園，
仲要再過多條馬路行多段路落地鐵站入面先有1間，
從屋企步行過去20分鐘走唔甩，都幾麻煩下，
都幾想附近有間爭鮮，終於得嘗所望啦！
check信箱見到廣告先知開左間新店響附近，
但點解好開唔開要開響呢個武肺爆發o既時勢呢？
呢d日子邊敢食壽司丫？熟食野都唔擔保安全，
點知d菌係唔係煮熟左之後攤凍左先痴上去？
生冷野更加啦，由頭到尾都無殺菌o既過程，
起碼要等香港o既疫情得到解決之後1排先敢幫襯，
唔知間爭鮮涯唔涯到果1日都仲未執粒啦。