由於要home office，屋企做到野部macbook air又慢，
緊係啦，果部係mac機最弱系列仲要2013年，mon又細，
你想期待呢部野有乜表現？係，仲有部macbook pro，
果部個OS系統未更新，有d例如whatapps又支援唔到，
把心1横就買pc版adobe軟件啦，緊係用pc又快又舒服，
其實早就有呢個念頭，衣家home office又多個理由。

以前check過adobe價錢，personal用1隻軟件每月百5，
1年就千5蚊咁樣，仲有個優惠套餐20隻軟件1年4千5，
其實我地做design無可能只係用1隻軟件，計番條數，
買3隻軟件o既價錢就等同佢個套餐價，所以局買套餐，
photoshop、indesign走唔甩，開d客o既向量圖要ai，
咁就3隻，衣家仲句埋premier、animate(即係flash)，
其實最有用都係呢5隻，其餘15隻我應該唔多用得著。

注冊adobe帳戶先可download軟件，原來要入埋信用卡，
本來有7日試用期o既，但唔入卡number就試都無得試，
係唔係試用過後就自動收錢呢？但仲有3個number未入，
唔通佢無呢個密碼(?)都可以強行過數？真係唔清楚，
只好過多幾日完左試用睇下係自動續課定停我使用權。

download完個creative cloud啦，點知1睇全部唔相容！
佢話我個作業系統舊，要win10先用到，下？搞錯呀？
你話我用緊win2000、XP果d仲講得通，我已經win8啦喎！
我去adobe網上客服問除左比錢更新win10外仲有無方法？
例如比條link黎下載相容到win8o既舊ver之類啦，
佢話建議裝win10，妖！鬼唔知咩？win10要再比錢丫嘛！
裝win10我洗鬼問你咩？唉，真係未見官先打80大版！
d軟件都未用到就要再屈我買多個win10呀！

咁只好再去買win10啦，痴線！咁就1次過用左6千幾蚊！
adobe套餐已經4千5，無諗過仲要比多千5更新win10，
響呢種即谷防飢o既時勢我真係超級唔想亂花錢！

跟住裝win10啦，由下晝1點開始裝裝到4點幾5點先用到，
痴線！更新系統可以4粒幾鐘，果日旨意佢做野就吔蕉啦。

不過公司都係用win10，用左3年幾個系統都幾順，
最勁係開機5秒左右就用得，用得指唔疾正常運作果隻，
但係我屋企部pc轉左win10之後開機都無公司機咁快，
可能比平時快左小小o既，同埋1直討厭win8個倉頡，
因為打完個字無關聯字庫，有時唔識寫或唔識打隻字，
全靠打佢之面o既字，例如個脊字，打個背字就會出到，
換左win10之後應該大致上百利而無1害o既。

本來仲諗過買部mac mini之後響果部機裝全套adobe cc，
原定半年後草多d錢先實行呢個計劃，不過衣家急住用，
只有裝響pc先符合最慳錢又達到較舒適作業環境o既方案，
我唔想對住個手提機o既mon做野，想要對大mon做野，
雖然macbook都可以output出mon，但係都煩o既，
唔通用番macbook個keybroad打字咩？比細mon遮住大mon？
另外再插多個外置keybroad mouse將部機移埋1邊？
點解唔直情用部只有output o既電腦？我亦唔要買大機，
所以mac mini最好，加上其實兩部macbook都6、7年前，
到時又話系統唔相容，呢樣用唔到果樣又用唔到都煩，
其實唔想裝響原本部pc，因為呢部主要用黎打機，
想有部for工作用o既電腦，不過衣家都改變晒初衷啦。