首先要講下photoshop，佢d操作有所改變，
之前係ctrl+t任意變形o禁實shift掣等比例縮放，
衣家係反而o禁實shift掣係唔等比例縮放，
雖然可以重新習慣新o禁法，但如果新舊版兩邊走，
好似我咁，公司機1個操作，屋企機又另1個操作，
咁樣會好亂，好在上網查過先知原來可以還原番，
就係上面個條bar度o禁個比例圖示就解決到，
但以下呢個變動就暫時未有解，就係out完path後，
平時響路徑介面我o禁實ctrl掣click落去，
就會將個路徑(不論有無儲存路徑)會變選取範圍，
好方便，但衣家新版居然唔支援呢個操作，
又講下有利o既變動啦，終於可以直接複數undo，
以前要undo多過1個步聚就要o禁實多1個掣，
實在畫蛇添足，有時o禁多個掣又會卡到輸入法，
仲有複數圖層可以直接click該物件去做變更，
以前你響圖層1就算指住圖層2舊野都只能旭圖層1，
衣家直接click落圖層2舊野佢就直接變更果舊野啦，
雖然有好多新功能，但無乜試到，試左液化呢個，
幾好玩，有人面識別系統，可以追縱到眼睛口鼻，
可以局部放大眼睛，仲可以強行將個人樣微笑，
點解淨係得笑無嬲嬲或者唔開心？ XD
然後講下我最常用o既indesign，其實新版無感，
操作上未發現有任何改變，亦唔覺有咩野新功能，
其實咁樣幾好丫，用落就手，我就唔想要咩改變，
不過介面方面比個dislike，佢線條同段落大左，
即係以前可以放晒幾個介面響右邊仲睇到色票，
衣家介面大左好阻訂頂住晒睇唔到色票，
下下都要o禁開佢先睇到，另外我入晒公司fonts，
開番公司d稿，有部份fonts明明係同1隻字體，
都隔硬話我缺字款，佢轉換取代o既字體就係果隻，
搞到要專登去揀番適當o既字款去消除下面著紅燈。
講下fuse，呢隻係簡易創建3D人物角色o既工具，
佢有面形、髮形、身形、衣物、顏色比你選擇，
亦可以微調，類似玩game開始自創角色咁樣，
但好可惜佢果d樣全部係鬼佬樣，個個都唔順眼，
女o既亦兇神惡煞，應該整唔到靚仔靚女出黎，
衣物款式亦少得可憐，呢個軟件都幾廢下，
講白d其實係鬼佬版3D custom girls。
見仲有隻character animator睇個名幾有興趣，
以為係針對製作動畫o既軟件，我所指o既動畫，
係類似south park果d，當然唔係鬼滅之刃果d啦！
以為能夠慳水慳力咁操作角色o既動作做補間動畫，
點知睇真d其實係1個類似vtuber o既軟件，
整完個角色係用motion detect控掣扯線公仔咁，
透過個cam去偵測你o既面部表情同支體動作，
從而操控虛擬角色，嘛，唔係我想要o既野，
睇黎要做番我想要o既動畫要用番animate啦。
其實7日試用期係試唔晒20隻軟件(認真試果隻)
所以adobe如果想透過比人試用黎推廣自家軟件，
應該考慮番30天試用期。
|
