武漢肺炎肆虐o既日子，老闆肯比員工home office，
感覺好似皇恩浩蕩，比你係人情，唔比你係道理，
而事實上呢段時期市面好多公司都行緊home office，
除左d餐飲零售服務業、物流、醫護、紀律部隊外，
如果響屋企都能夠處理到工事o既真係唔應該番工，
皇恩浩蕩的確無可否認，但其實老闆都係為人為己，
雖然好似益左打工仔可以吞pop，無乜辦法監督佢地，
試諗下，如果隔硬要人番公司，點知有個帶菌者，
感染左全公司人都要隔離，結果業務咪又運作唔到，
邊個蝕底d？分分鐘連老闆都奶埋野，害人終害己。

比員工home office唔單止為員工著想，係為左全香港，
少1間公司要番工街道上就少十幾至幾十個路人，
即係減低病毒傳播o既機率，相對地條街都安全d，
除非個老闆身在無受影響o既國家啦，如果佢人在香港，
疫情擴散得越快，佢自己都唔好得去邊，日日徨恐，
所以話唔比員工home office到頭來都係害番自己。