官方借抗疫(留響屋企打機)搞經驗加倍活動，
咁就諗住升下隻遊俠啦，都估到唔多順利，
對上1次加倍練火3都卡登，尤其個傳點位，
呢種飛打法練1呆總有1兩次誤入傳點落左火2，
然後再由火2入番火3好大機會就卡登，
但係今次比唔多順利更加唔順利，唔止卡登，
練1呆斷線斷左4次，卡登完上番後又斷多次，
再上黎後個團都練完啦，要入傳點番村之際，
仲要趴埋，果下先灰，183開呆開書練27%，
早知係咁唔練啦，衣家卡住廿幾%半天吊，
又唔敢打王爬塔，加倍完左又無心機練功。
然後斷完線番村，行路又再hang多次機！
點解話hang多次？出發火3前入武器店買箭，
入店果下已經hang左次機，呢排勁易hang機，
唔知係RO更新檔有問題定係電腦系統問題，
斷線同hang機o既分別係，斷線d特效仲旭緊，
例如185果d光芒呀，d服裝o既飄逸效果果d，
隔廿零3廿秒左右再彈句與伺服器斷線出黎，
hang機呢就全個畫面停止晒，要強行熄左佢。
練1團火3就斷4次線，卡登1次，hang兩次機，
真係極差體驗，第2次hang機同公會傾緊計，
講完句野都未睇到對方點回覆又hang左，
嬲到爆！已經唔止1次，平時hang都無咁嬲，
傾計傾到1半先hang番番黎就接唔番個話題，
果舖癮卡住左又回收唔番，超無癮！
最近連雙開都有幾大機會hang機，
雖然以前3開都會hang，但有方法可以避免，
只要開第3個前將兩個人物登出去揀人畫面，
就唔會hang機，相信係運行RO負荷o既問題，
但衣家呢隻hang係有時開第2個視窗即hang，
連patch介面都未入，仲hang埋原本開緊果個，
嚴重好多，唔知係唔係關win10事。
|
