放完新年假後尋日係第1日正式番公司工作，
即係朝早10點打卡放工7點後打卡果隻，
呢個變動係老闆響星期1視像會議公佈o既，
因為近幾日香港o既武漢肺炎疫情緩和落黎，
確診數字維持個位數，前幾日仲單日0確診。

雖然果日0確診有d唔相信，似係官方做假數，
但理性分析後，以香港目前o既資訊自由度，
要做假仲有少少難度，即係假如果日有人確診，
而政府宣佈0，確診條友應該會上社交媒體唱，
然後好快就比連登仔大造文章街知巷聞，
除非比左掩口費或確診者係唔識上網o既長者，
話雖如此，但個人認為現階段未能放下戒心，
最起碼限聚令仲未結束，食市仲封緊部份檯位，
人人仍然帶口罩出街，無必要急不及待復工，
touch wood講句，到51大6解封大量6客落黎，
可能再爆發另1波，到時又再home office過？
起碼等全世界解封晒1個月內0個案先復得工，
唉，不過果d做老闆o既人又點會咁諗丫？

平時呢我個人都幾自私o既，係希望打風黑雨，
可以放1日半日假，果種唔係小確幸係大確幸！
但呢個武肺疫情真心希望快d結束恢復番正常，
我寧願如常番工都唔希望呢個疫情持續！