向來對ACG宅文化資訊感興趣o既我，
唔多唔少都有like某d動漫粉專，
坊間都唔少呢d facebook fans page，
例如咩野動漫聖地、ACG愛好者之類，
d粉專名黎黎去去係呢種風格，
但發現部份粉專都有1個共通點，
從來都唔直接響facebook刊登內容，
只整張圖同大題引你點入去連結，
即係實際內容係響個網頁入面，
重點係個網址都係peekme.cc！

即係好多個粉專都貼呢個網d文章，
咁你開咁多粉專做乜？1個就夠啦！
反正睇A粉專又係連去呢個網頁，
睇B粉專又係連去呢個網，有乜分別？
開多幾個粉專只會分散晒d人流之嘛！
寧願開3個page每個只得1萬追蹤者？
都唔集中響1個page但3萬追蹤者？

點睇都有可疑啦，如果你個page，
轉載各種唔同網站都仲可以中立d，
有乜理由由頭到尾都係同1個網站？
google搜尋下個網址，果然有問題，
比人標籤為內容農場，為賺廣告費，
的確，用過第2個平台click入個網，
睇1篇文章d廣告可以多過內文，
好似呢篇3段咁，每段中間都插廣告，
呢種借動漫題材引宅宅睇廣告手法，
都真係幾衰格。