呢幾日唔單止全港，可能連全世界都關注o既，
肯定係美國總統選舉，到衣1刻都未有結果，
暫時好似係拜登領先，唔知之後會唔會扭轉。

拜登負面消息比較多，最主要係佢有認知障礙，
之前拜登又講過「我要打倒拜登！」(英文啦)
下？自己打倒自己？佢知唔知自己up乜野？
收音機主持都有幫佢兜，係咪喻意超越自己？
又話無講過d乜點知比特朗普搵番佢講過o既片，
最近仲叫錯佢孫女個名叫左佢已故o既仔個名，
種種績像顯示，佢唔係太勝任到呢份工作，
而且佢都79歲啦，過晒退休年齡仲出黎參選？
其實我堅唔明白，全個美國咁大無其他人才？
點解總統選舉只得兩個人去競選？
就算搵番希拉里都好過搵個認知障礙啦？
堂堂手屈1指o既世界大國個選舉咁兒戲？
我唔清楚美國o既政治環境啦，只用羅輯思考，
你乜黨物黨搵代表，都無理由搵個豬隊友？

電台節目主持分析，其實唔係特朗普對拜登，
只係特朗普對反特朗普，好多美國人唔妥佢，
拜登根本唔係對手(較早前講o既)
所以有句話「anyone but not trump」
即係換邊個上去都好唔係特朗普就得啦。

前日潘聰個恐怖在線都有講關於美國選情，
搵黎d占星師玄學家同埋感應外星人o既人，
推測特朗普贏硬，外星人仲話特朗普有任務，
又話就算拜登當選，都做唔晒任期，
其實都唔出奇，拜登都79歲，屬於高齡人仕，
特朗普都唔好得幾多，好似都74歲。

香港人就算無份投，普偏係支持特朗普連任，
我其實比較想拜登當選，因為好多人都認為，
特朗普連任有機會同強國開戰，我唔想打仗，
和平點都好過戰爭，純粹只係咁o既理由。