今日係正式發售iphone12mini同埋12pro mix，
放左工就出觀塘apm見到apple專門店排長龍，
原來佢地實施人流管制連就咁入去都要排隊，
我先上去6樓定7樓d豐澤百老匯打探下消息先，
如果上面都有得賣咁其實唔1定要響專門店買，
去到豐澤店員話無得賣，跟住過隔離百老匯，
有得walk in買呀，不過會比正價貴多兩舊水，
同埋佢地規定1定要拆盒唔比你原封不動咁買，
我試圖講話我買黎送比人架喎，拆左盒點送？
佢地都話唔得要跟規舉做，其實都收左錢啦，
理得人地拆唔拆盒姐？可能係驚d人買黎炒？
唔會掛？內地又唔係無得買，邊炒得起呀？
你地仲要貴兩舊，佢話加1蚊送埋機殼保護貼，
雖然好似響番度，但d機殼未必o岩我心水呢？
嘛，算啦，我都係買黎自用，貴兩舊都照殺，
咁我話買白色mini，點知佢查存貨無白色喎，
咁無計啦，唯有落番去1樓apple shop排隊，
師父計過我個8字要用白色丫嘛，唔白唔買。

講番點解會買mini，上個月篇日誌話唔考慮，
因為睇慣iphone7個大mon接受唔到細mon，
但其實iphone12mini個mon比iphone7更加大！
因為佢拎盡晒d邊框位同埋下面home掣位置，
其實部mini拍埋iphone7只係細部少少架炸，
我以為係iphone4咁細或者細部過iphone4，
mini長過同闊過部iphone4好多。

到apple店排隊其實唔係排好耐，5分鐘入得，
跟住就同職員講出機，然後再買埋mon貼果d，
起初想要防撞殼，點知d防撞殼無隻o岩心水，
咁要番普通殼，普通殼有白色同純透明，
mon貼同殼都3百幾蚊以上，兩樣加埋7百幾，
連埋部iphone12mini 64Gb埋單都6千7，
之後響店入面開箱，職員幫貼mon貼，
開機之後又係歡迎介面set up大堆野，
我嘗試用iphone7過資料比iphone12mini，
等左20分鐘都無顯示過左幾多，我問職員，
無得顯示過左幾多%架咩？佢話都未開始過，
唔係呀嘛？要咁耐架咩？咁過資料大約幾耐？
佢話50gb都要1個鐘，佢地舖頭都收左工，
咁無計啦，番屋企臨訓前先過資料啦。

番到屋企又睇下iphone7其實用左幾多容量，
1睇嚇左1跳，原來部iphone7係128Gb！！！
而且已經用左90Gb容量，剩番30Gb左右！
頂，過條毛咩？點樣將90Gb野過落64Gb機度？
點解我1直以黎都以為我部iphone7係64Gb？
唉大獲！買錯容量！點解犯d咁低級o既錯誤？
我係1心諗住買部iphone12mini用5年以上，
衣家買錯64Gb真係唔知用幾耐就full啦，
我睇番iphone7先知個whatsapp都用左20Gb，
相片都13Gb，再加埋歌都3Gb，咁都無左36Gb，
呢d算係常用o既野，不過4年先用到呢個容量，
如果慳d洗，用兩年都唔full應該無乜問題掛？
睇下個iphone12mini，未開始用都得番54Gb，
點解今時今日出o既新機仲有64Gb呢個選項架？
我又係o既，為左慳錢買平d以為64Gb夠用，
所謂人窮就志短，居然慳響最唔應該慳o既位，
明明帶多左錢，明明買mon貼機殼都7百幾，
偏偏就響容量果度慳，再上1級就多1倍啦！
米住先，睇番我10年前部iphone4都係32Gb，
都用左6年先換iphone7丫，點解果陣又夠用？
所以其實64Gb都未至於咁唔come用o既(安慰)