巡例都要講下跨年，尋晚放工食完野就訓左陣，
差唔多到12點就上RO，同兔子公會o既人跨年，
不過唔記得左開電視，過左12點先開大台黎睇，
只見有類似煙花匯演o既影片，但應該係假o既，
以我所知因為疫情關係政府取消左改網上倒數，
睇條片d煙花好似key上去咁，或者播番前年o既，
舊年都因為修例風波取消維港煙花，所以前年，
條片仲有d凌空縣浮圖案，cyber punk2077咩？
今時今日o既科技肯定未做到條片果種技術囉，
倒數完1刻窗外都係好多叫聲但無晒政治口號，
唔似上年咁不斷光時呀、咩景咩全家呀果d囉，
whatsapp亦都send賀圖去駱克、亙動等group，
但無個別send比朋友，聖誕反而有。
睇facebook大隻post左條尖沙咀倒數o既影片，
唔知係佢拍定轉貼，原來都仲有人出外倒數，
尖咀都有幢大樓係會有數字倒數，踩正果下，
仲有仿煙花o既霓虹燈飾閃耀，都有少少氣氛，
不過全部人帶晒口罩，仲有架景車戒備緊。
今年新年比較舒服，因為星期5痴住星期6日，
連放3日，加上天氣寒冷，宅響屋企更幸福，
日頭都係做d例行工事，洗左兩機衣服，
食都係食些粉買果d叮飯，唔係超出預算，
尋晚應該都會毫不猶疑買兩盒pizza過年食，
無呀，只係大家樂買左3盒飯，貪佢d盒叮得，
夜晚主要就響RO練下功，趁住有經驗加倍，
另1隻604都打左兩場龍3團由136升到148。
|
