中秋佳節，人月兩團圓

年年中秋都會聽到呢句野∼但係今年中秋就特別唔同．．．

今日同阿爸阿媽出左去親人度食飯，

看到人地一家大細玩得好開心，一家人帶住燈籠丫蠟燭丫∼周圍放火

每當有人喜必有人愁，我只係有一個少少既願望都無．．

我好想同我中意既人真正人月兩團圓，

但係當我一出去食飯，３ｇ個台偏偏係呢ｄ時侯失靈，

我就連想同我中意既人講一句〔中秋節快樂〕既機會都無．．

平時係呢個時候，身邊都會有人問，阿麒出唔出黎，死仔唔出黎係度搞乜．

今年，冇囉∼ｄ人唔見晒囉∼呢個中秋特別寧靜，

一齊睇花燈．一齊看月光，呢一切一切都無我份∼

食完飯之後，阿爸同我去左答的士番屋企，係架車度諗，丫唔知你做緊咩呢

好想打比老婆，但係就只可以看到一個打不到電話的手提．．．

當我一看到電話收到，第１時間打比老婆，

到最後．．．．

你所打既電話暫時未能接通，請你遲ｄ再打過黎啦．．拜拜

再打去老婆屋企，響左好耐都係無人聽，即係話老婆出左去ｌｕ∼

係成程的士我都無出到聲，已經無晒心機啦，

沖涼果陣都係度諗，點解個天連少少既願望都唔比我實現．．．

算啦，呢個中秋．．將會只係得我一個人中秋，

人月兩團圓，月光代表美滿？？

對我黎講都只係一個普通既月光黎姐．．唔太值得開心．．

最後都同睇緊我日記既你講聲．中秋節快樂，

亦都要同我自己講聲，阿麒，中秋節快樂