今日嘔完份ls之後,諗住拎枝結他出黎玩下,就係我拎上手既一刻,我放唔低,啊sir話我枝野壞壞地,要tune低兩格,以後就要用個capo,隔住我同枝結他,capo?算得係咩?隔住左我同我枝結他,我淨係想好好咁彈下佢,jam番下咁,做咩要用capo黎隔住我同佢...雖然係得不到,但我放唔低,放唔低曾經斷過線後整好,曾經比我tune過音,帶佢上過戰場既一枝結他,放唔低我同佢之間既感情,不過,到我話放唔低咩?

望住份譜,我呆左係到,因為係依一刻,我只係可以呆係到望住份譜,但就唔可以拎起我心愛既結他,演奏出動人既樂章,我望足咁耐,我睇唔透,但心諗,一枝陪左我咁耐既結他,竟然係依一刻,我咩都做唔到,我救唔番我同佢既感情,我手中緊握一塊0.46既pick,卻無法掃出心中既樂曲....

我冇勇氣面對我枝結他,但又放唔低,種種感覺既壓逼之下,我真係想大叫一聲,明唔明嗰種感受,只想將結他緊抱,掃出辛酸...但結他,已經唔係當初屬於我既結他...我同枝結他既距離係兩格就憬兩格,仲要比capo隔住,唔通,個天真係要我放低佢?

愈打愈似潮文,我都係收筆算..