幻覺黎架姐

咁耐冇打咪打番篇

哇頂你岩岩ut完,見到自己既成績退左d,真係有少少sad

不過下次要努力!

前日清明無啦啦去比賽,悶左成個朝早,不過我地依d香港新星梗係下晝先發力

一跑跑左個銀番黎

mt,我,源,傑

46s完美組合

雖然下年有機會會拆隊,不過我地合作左兩年,衰又衰過,羸又羸左咁多次,已經可以算係無憾

不過仲有一份感情,其他人係代替唔到,大家加油啦

前排覺得好煩,聽到人講野都覺得好煩,可能係ut影響,好多壓力

不過諗通左,其實太緊張都係冇用

做好自己最重要

希望大家都開開心心啦

依個假日日都hea

個個番哂大陸,搞到勁悶

唯有搵下人出黎hea

依個假,有兩個人陪我

日日陪我hea,日日傾心事,講下自己既野

令沉悶既日子變得快樂

仲做d平時唔會做既野

夜媽媽出街,周街爬,無啦啦走去行山

識到你地兩個係我既福氣,best friend啊嘛

無論點我都唔會唔記得你地,就算得到其他野

陪左我咁耐,仲幫左我唔少,多謝你地

今日我病左,好彩冇咩事,聽日仲番到學

聽日一定要番,話哂放完假第一日

好多野要做,要同我隔離坐埋最後兩堂

之後就有新既座位

仲有見下班可愛既同學仔

所以點都要番

搞左成個禮拜,今日終於完,最後雖然我地跑唔到想要既時間,但都拎到想要既野

多謝啊sir,多謝sofun,仲有就係我既隊友

捷傑,CY,德,多謝你地

雖然跑完之後,開頭係有d灰心,但出黎個結果都係搞掂左

大家新年假好好休息

仲有一日就考試喇!!!仲有兩日就考中史喇!!!

我直頭依家就想衝入BAND房,頂你個肺成幾個禮拜冇夾過BAND!

我淨係想彈下野咋!!!!!

不過我都想講多次

生日快樂啊!jojo!

我要保護身邊既人既笑容!

當條友問邊個有玩結他個個指住我我都知奶左野,不過依d小事都係唔好提

當條友同我講:加油,打band真係辛苦d

我又真係幾有同感,唔好講出位,淨係搵個人番黎都難,要組隊band都唔係易既事,搵人都係一種難題..

仲有平時練歌又要book band房,又要就時間,如果唔係,又要自己練,結他手都好d,係屋企都可以練到,不過最慘就係電結他又嘈,成日驚嘈到人,搞到成日冇得練,連自己練結他都要就時間!另外,咁鼓呢?冇可能係屋企練到掛,唔係個個屋企都大到放到組鼓,最低限度我地個鼓手冇咁大地方,就算放到,結他都驚嘈啦,何況鼓?所以練習都係一個問題...

玩band既人係香港真係難生存,第一香港唔係太多人鐘意rock band,比人一種嘈既感覺(我可以講其實唔係)唔係個個接受,要彈到人地接受為止,都要犧牲唔少時間,就算有人肯聽,我地都要有機會比人聽..我地唔怕技術唔夠人好,只係怕連一個話比人知我地實力去到邊既機會都冇,其實我玩band,除左我鐘意rock,鐘意結他之外,仲想靠打band黎表達自己既感受...現實世界中,確實冇乜機會比我表達自己...

要彈到人地接受,雖然係要時間,但我都希望我可以做到,同埋我知我隊band實力麻麻..但都希望大家比d火出黎,繼續一齊係band房玩歌玩到hi大左咁,我都希望冇打band,冇接觸開rock既人,試下聽下rock歌,rock唔代表嘈,歌中既意思包含左好多心聲..

paul話:人地唔鐘意,就要彈到人地接受為止,依句說話可說係支持我繼續玩既力量來源,就算打band有幾難,依樣係我既興趣,玩結他要犧牲,依樣係我既命根,我都要繼續玩落去,直到有人欣賞,有人接受,有人知道我心中係有團火

尋日thank giving雖然輸左但夜晚同4D去打邊爐,真係幾開心,相就...唔好提!個個追住我黎影

打完邊爐又去食糖水,無啦啦多左個老婆,各位女士唔葡萄得咁多,ly就慘,無啦啦肚痛

之後去玩true or dare,50下掌下壓姐!好多咩!不過我都係做唔到,有人幫我頂