| «‹ April 2015 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | |
|
2010 年 6 月 8 日 星期二  |
| 征戰書 |
分類: 未分類 |
終於到左學期尾,而聽日就係戰爭中既高潮--大考!!我下左戰書,備戰咁耐,歷史應該ok既,中文就....聽講份卷難,但既然下左戰書,就要同佢搏命!!!
大家明天一起努力!!!
|
| 2010 年 6 月 3 日 星期四 |
歲月無聲  |
分類: 未分類 |
1989年,黃家駒作左一首歌反映對八九學運既睇法,歌詞如下
千杯酒已喝下去 都不醉 何況秋風秋雨
幾多不對說在你口裡 但也不感觸一句
淚眼已吹乾 無力再回望
山不再崎嶇 但背影伴你疲累相對
沙不怕風吹 在某天定會凝聚
若我可再留下來
迫不得已唱下去的歌裡 還有多少心碎
可否不要往後再倒退 讓我不唏噓一句
白髮已滄桑 無夢再期望
建立民主的國家,讓我們可再留下來
這國家,不要再後退!不要令我失望
請你們聽聽他們的聲音
他們不怕你們打壓,因為他們為了自己的國家不會放棄!
回望事件,心碎的事太多
|
| 2010 年 5 月 31 日 星期一 |
唉....入左廠  |
分類: 未分類 |
今日原本無無聊聊咁過活,點知第一個小息聽到一個幾壞既消息,就係我地友情歲月有人入左廠,希望佢冇事啦
後學之後打聽過,原來佢發燒,仲暈左 點都好,早日康復,友情歲月點可以冇左你
話咁快就考試,但都係嗰句...書都未教哂,考乜春....
二十一年前既六月四號,發生過咩事我就唔多講,諗緊去唔去集會紀念下依個史事(雖然多數去唔到) 有興趣搵我 |
2010 年 5 月 22 日 星期六  |
| 2010 年 5 月 21 日 星期五 |
踢波踢到散哂  |
分類: 未分類 |
開頭同其他人係寶湖踢(ILCvs唔知咩隊)比人炒左三粒 原來佢地有book場,咁我地咪走囉,點知!去到第二個場..又比人book左
最後我地死死氣咁打的去左唔知邊個場(問gary/羲)冇人book,不過有人打,見大家都係咁上下,咪跟下隊囉,打波梗係除衫打啦..
點知打打下,對面唔知係玩野定挑釁我地,係咁省啊羲爺,後來仲郁手推佢,之後又講粗口小我地...
X!咁你地即係玩我啫!!大家開開心心打場波咪算囉,洗唔洗郁手啊...打交係人都識打,不過我地冇咁得閒理佢,我地唔係古惑仔,唔洗郁手郁腳既,最後咪等啊gary同佢地傾兩句大家say下sorry咪算囉
打波打到郁手,證明對面都幾有睇辱精神,我冇打錯字,係睇辱精神...
咁算唔算係球場歲月... |
| 2010 年 5 月 20 日 星期四 |
| 2010-05-20 |
分類: 未分類 |
五月真係多人生日,今日又有一個,生日快樂啊壽星女,係咁叫你壽星女,都冇正正經經同你講生日快樂...
真係好想好似啊paul咁,係台上狂放一下!
仍然向住依個方向行緊,係到讀左三年,我未見過正正式式既band show...亦都未見過一個真真正正既結他手.... |
| 2010 年 5 月 17 日 星期一 |
今日真係大獲  |
分類: 未分類 |
去食飯,周圍都冇位,食屎咩,咪去左太興,點知一坐低,我X!一碟燒味飯要$4x,d野飲仲吹漲,仲細過醫院驗尿嗰d杯.....
放左學之後,係學校吹左一陣水(都唔止一陣架喇)跟住去左買布,原來仲要鈒骨,真係草泥馬.....做唔切啦!剪左佢算
尋日就正喇,五區公投,五虎將贏硬啦,點知真係贏左,冇計
跟住睇番一年戰爭...我永遠都覺得,NAZI同ZEON係一樣...無論係性貿上定係統治方法,或是遭遇,因為成套野都係描述緊WW2
 HI HITLER!!
 ZICK ZEON!!
人類永遠打著正義旗號去侵襲他人! |
| 2010 年 5 月 14 日 星期五 |
| 無聊之作... |
分類: 未分類 |
其實你地講咁多野...但我都唔知你地講乜,有陣時,講一次笑下咪算,講咁多次,你唔煩我都煩,只能講既就係低級趣味
可能會有人覺得無聊,對某部份既人黎講應該係正常lv
所以...都話咪咁煩...
咪由你地講...
咁大家明未?我驚你地睇唔明所以用左燦神圖,其實大家都係想玩下,開心下姐,抽人水依d咁無聊既事就唔好做啦
|
| 2010 年 5 月 8 日 星期六 |
又去左打波  |
分類: 未分類 |
尋日去左寶湖踢波,連星星都有黎,估唔到,原來佢都幾好波
我都算損傷慘重,一開頭就傷隻腳,跑唔郁,之後又比人省中背隻,跟住又比輝輝撞中個下巴...最後仲要曬傷左...(我同gary除衫踢)
打左幾場,得一場我係入過波 第二場比自己友連入兩球烏龍球,真係唔揸緊中指都唔得
我次次都同星星同team,次次都係我地兩個攻,可以話係合作無間 不過我都做過一次後防,即係傷腳嗰陣,跑唔到,唔做後防=送死
不過傷左都算,最緊要係羸到份友誼姐 |
| 2010 年 5 月 5 日 星期三 |
申訴區!  |
分類: 未分類 |
由你踏入課室既第一步你就掛住盧嘈!唔係嘈我地依樣就係我地既學習態度,我又唔覺我地既態度有乜唔好,反而你就應該改善一下你既態度,所謂態度即係你既教學態度,唔應該當我地冇到搵我地黎開刀,我地除時被秒唔會得到警告!到你唔夠講就記我地xo!令依一堂就係咁樣畫上句號
係你搵交嗌我地就要表態!唔好以為識記野就代表大哂!我地係就唔甘心比你咁樣河蟹!
你既態度我地就係不能容忍,唔識處理事務即係代表你無能,你無唔無能都唔好引起公憤,你挑戰學生即係冇做本份!記人罵人就係你既本能,你所做既一切都係一種挑引,我地就要同你繼續抗爭,因為你令我地太多人無辜犧牲!上你既堂就只有覺得不平等,又係你教我地一定要有好憐憫既心,但係你就連退一步都唔肯,一有少少事你就亂咁扣分!
我地就係憤怒唔會再讓步,我地要繼續尋求公道,如果再冇公道我地就繼續申訴!直至有人可以放我地一條生路!
咩事我唔講太多,廢事又話我亂咁講野 |
« | 1 | 2 | 3 | 4 | 5 | 6 | »
|
依d咁既中學回憶點可以冇架!