距離入營既日子又近左.

最後數日時間.比我回憶周圍既開心事.

入到去.好似去左舊金山一樣.  幾時先會有個"華英雄"出黎救我地.

入主題.

而家日日都有操.但係體能感覺都無乜提升.都係一樣咁差....

入到去會唔會比阿sir叫我申請落下一屆.

唉.好大壓力.

讀書果度又未搞好曬d野.又要申請乜叉乜叉.

好煩.

英文又要自己一個做report.幾時得黎死.

西史又要作文.

天! 不如比個日期我.了結我人生.

Stop.比多小小時間我.做我好想做既事.

好想做既事都好多.幾時得黎死.

怕且等我有仔有女.聽到d孫仔孫女叫我公公.都未死.

留返d心願比我個仔去實現好了.

today.

2點起身.準備好去跑步.點知殺出一個無情雨.令我全日無做任何運動.(其實本身都好懶)

5點零想去剪頭髮.想話求其搵間剪.點知好鬼多人.又因為落雨.無渣車去遠小小剪.留返12號剪曬佢.

夜晚食完晚飯.8點鐘去練車. 呢次威到爆.

由路環渣去海洋花園.直上大潭山.回去入油站轉去馬場.直衝創褔.由於封路.轉去孝思直殺入去雞頸山.

由雞頸山拖去澳門機場.直出大橋.轉入蔡高直駛往奧運城.落車(大雨中....)

返歸.由老豆渣車返去黃金泊車.

一路上無阻.簡直是無敵一樣.

不過上路上車不多.挑戰性不高.

到晚上邊睇que  sir 邊down仙境私服.

再陪朋友睇陀槍師姐.

咁又一日.

今朝(星期日)....

晨咁早.比個好朋友嘈醒左.11點半起身.真係無陰公.

咁就一齊去松山跑步.同埋佢男朋友.總共3個人.

2男1女.夾埋得個嬲仔.不過!!!!  並無呢d情況.

反而令我學到更多知識.

好開心.識到呢個好朋友. p.s 要好好珍惜.

發覺自己以呢種體能.真係老虎都打唔死.

要操fit  .   保計再操2個月左右  會見到6舊腹肌. 呢一刻.真係好期待呀呀呀

操左成2個鐘.

各自龜家.

陪姑姐去百佳買野.當工人咁洗.

左手一袋米.右手一袋面.

再去大堂街買左個22蚊既"巨型雞扒飽" 好鬼大個.好鬼飽!

上去屋企.終於見到表弟個女朋友.

佢竟然大膽到叫條女返屋企"訓教"喎!!!!

咁姑姐同我講.佢好大膽.我都笑左.     佢話驚搞出人命點算!

我同佢講.其實都無乜野既.點會咁快.

後尾食飯果陣.見個女仔出黎廳.姑姐好似審犯咁審佢.我又出去幫阿星解圍.哈哈.

有我向度.姑姐姑丈點會有"炸型" 咩都比我講返曬.哈. 道理長存!!

個個都話佢好靚.睇落....um..其實都ok啦.最緊要佢鐘意我表弟.(不過佢好鬼怕醜)

夜晚坐左老豆車,表弟,表弟女友.4個人.去黑沙車肥表妹.  5個人.  p.s 上斜有小小唔夠力.點解 ??

發覺因為呢部車.同老豆多左野講.好事黎既!!

不過.佢始終都有一種架子.好難會好fd咁溝通.

唔通姑丈姑姐.好好傾.好似朋友咁有講有笑.

-------------------------------------------------------------

日日努力操.遲下唔洗做.

成日都覺得唔夠時間.

其實.唔係時間唔夠.只係唔識好好運用.

淨返2個星期.

以呢個體質進去.肯定會死.

一定要加操自己.

-----------------------------------------------------------

某日.早上11時多.去松山跑步.遇見友人.

與他一起上山練引體

但係就係呢刻.失去了重要的介指.

可能呢d都係緣份.既然失去了.就應該要忘記呢一隻介指背後的所有事情.

但是.忘不了.畢竟.意義仍然是有的.

不可能說失去了就忘記.

今日都有返去睇下向唔向度.

可惜.為時已晚.

-----------------------------------------------------------------------

分享一首舊歌.

很想問.現在你好嗎 ? 

擋不住.命運裡偏差.

完成了志願.但是沒你參加.

如成功必需代價.這個懲罰太清楚多可怕.

忘了幾歲. 仍然稚氣似三歲.

當天想過做你.一生的那個伴侶.

沒教堂.沒有花.沒繽紛的紙碎.

我信真心的愛總得到允許.

首歌.其實幾好聽.好入心.    我係鐘意作詞果個.

----------------------------------------------------------------

今日.好唔開心.

因為同屋企人罵交.為左我想得到既野.

果一刻.我做左好多發皮氣會做既事.

跟著渣車出去.吹吹風.個人醒左.發覺.

其實可以用另一個方式去面對呢d問題.

唔一定要發皮氣.要打要罵.

或者.我雖然係好固執.

但係.只要有足夠既理由.我都會接受.

好似當初.我堅決辭職唔做.好多朋友都有勸過我.

但係我無理到.一意孤行.我都嬲左我自己一段時間.

但係.如果無辭職.或者我讀唔到大學.考唔到車牌.

但係.如果我無辭職.我可以會留得住一個心愛既女人.得到金錢上既滿足.

我唔識分析呢d係對or錯.

如果成日都為呢d事分對錯.太多灰色地帶.

或者.................

我買左呢部車.過2日.會有部更加抵既車賣.

果一刻真係好心痛.買貴左.

我既人生太多選擇.錯過左太多東西.

如果我要我寫本書.我諗都要寫足半年.

因為某一d深刻既記憶.一直留係我心入面.我唔想分享.因為我唔鐘意比key人地入我內心一樣.

我性格太過固執.太過收埋.無人會諗到我想點.

無得改.

     假如將來有一日.可以買2盒飲料.一齊坐低談心.

     呢一刻.呢個朋友我絕對係好真心對佢.

     可惜.....可惜....