昨日去左打邊爐，有軒靜曾朗豬強pet等人，

打完邊爐就打雀(一上場就贏2場..勁..)，眼見咁既形勢..我當然唔打落去啦~嬴2場好好睇就走人。

之後我地轉移陣地去左c朗屋企，飲野、打雀、傾計、hea...同埋比c朗用"UNO"玩下占卜同心理測驗，

開頭以為佢係吹水咁玩，但好似又有講左d幾準下喎，所以都玩左好耐，我差唔多愛情、將來、朋友咩都占哂咁擠...

但占左既結果我......忘了......就係記得玩心理測驗話我好勝，如果我好勝係在踢波方面我又唔介意，

但希望其他方面我唔係啦....玩到4點幾就散了，由於我曾軒靜仲有好多精力，所以又轉陣地...

去左長貴村附近hea到7點幾到家家樂食早餐，但黎個時候子軒疲態盡現，連早餐都冇叫...卜左係張桌度...

好似訓左咁..但d野食放到口前又會食wo...但佢醒返走果時竟然唔知發生過咩事.............................

跟住返屋企一訓就到16:00啦，個人仲好眼訓，

20:00去左踢波，一踢波就精神啦，2傳3射今日成績唔錯，但而家好累好眼訓...到此為止吧。