依派都唔知打blog打咩好,依派好悶呀,開始唔係幾想煲劇!好想游水呀,都唔知約邊個,之前都係同d女仔去游水,未試過同男仔一齊去,想試下,但係唔知點解好怕羞~希望約到人去游水啦!

關於我呢派既生活

呢幾日我同我細佬玩緊一隻game,所以都冇打到個blog,唔好意思!!

個game實在太好玩喇,我好少同我細佬玩同一隻game!好少有!!!!

今日有兩位我既朋友黎左我屋企,其中一個幫我整部電腦快d,另外一個係咁係到煩我,但係我慢慢覺得同男仔玩係一件好好既事!d男仔冇女仔咁煩,一時話個樣,一時就話呢樣!同埋可以搭人膊頭,超開心!講完呢段野之後,d女仔唔好話我呀,我唔係有心,我係將心裹既野寫出黎!!!!

有冇真正既朋友???

睇完某幾個人blog後!我就諗:我有冇真正既朋友? 佢地有冇當過我係朋友?佢地想我變番一個男仔,所以唔當係fd?定係本來係,後來因為我對佢地唔夠好,所以唔當呢?又或者係我係男仔,佢地係女仔,所以唔可以當我係朋友呢?

一路諗,我就好想喊!我好想知佢地點睇我,佢地唔當我係fd就早d講,等我唔駛為呢件事咁辛苦!

考得好差呀

今日又通宵lu!8點半準備番學,番到去之後,上左小學4樓攞成績表!考得好差,睇完自己的成績之後,我同我阿媽講:我下年唔會再咁!我上到中二之後,一定要俾心機聽書,所有野都要以學業為先!朗,你要+油呀!做啲成績俾你阿媽睇,等阿媽俾你轉好啲既中學!

我既朋友:你地考得好唔好呀?

今日好攰呀!

今日完全冇訓過!9點幾去左熒屋幫佢單勁舞,佢之後仲俾佢小學既畢業相我睇,超搞笑!11點到,熒同佢阿媽要去唔知邊度,所以我要番屋企!

2點9到,我個網友黎左我屋企,佢講個d野好搞野,佢仲俾左佢facebookd相我睇,今日都算利害,未訓過到依家都可以咁精神!