琴日, 即係五一, 我地物流二班四十幾人(全班有六十人) 去左崇武玩..

戈度對我黎講只係一個好普通ge海灘, 但係某d內地生見到海灘就超興奮,

我問佢地點解會咁興奮, 有幾個人話佢地只係第一次見到大海, 

特然間覺得自己出生係海邊都算係一種幸福,  竟然有個女仔問海邊會唔會有泥鰍=="..

過到去其實都真係無乜嘢..戈度比我ge印象只係一個好咸ge海...

睇都無乜嘢好睇...都係玩為主..我地打下排球啊...又落水玩下咁...

打排球都無乜嘢...有男有女..原來會有男仔唔夠女仔打ga=="....

之後我地又推人落海...有不少受害者都係敗係我ge飛撲之下...

最爽就係有兩個男仔企係度互推...兩個人死都唔跌..

我竟然唔知係邊度得到左一份巨大ge力量...抱起左兩個人...

將兩個人拋左出去..係岸邊ge同學o哂咀...我自己都係事後先知..

跟住玩下玩下有d人返左上去食嘢..得返我同六個女仔係度..

本身我都諗住走ga la..竟然有人挑逗我...跟住我就好似癲左咁...

一個人對住六個女仔...狂係度潑水...因為我一早己經濕哂..亦都帶左衫去換..

所以無後顧之懮...真係背水一戰..我用背脊對住佢地...狂向後潑水...

圍觀ge人越黎越多...我停低望左兩秒之後...采佢地都傻...繼續我ge大戰...

一個打六個打左差唔左成個鐘...消耗左我超多ge體力...之後又返上去打排球la...

打到大約兩點...之後就食返少少嘢...(因為我地八點出發..要自備干糧做午餐)..

大約兩點半到...我地班開始叫集合...要玩集體遊戲la...

最過癮都係玩集體遊戲..由其係對住d咁保守ge境內生..

集體遊戲輸左要罰做一樣嘢..其他人都無乜嘢( 除左兩個男仔同時失去初吻之外^^~~)

...發生係我身上先係最過癮..話說係咁樣ge...有兩個女仔輸左..要揾一個男仔去表白..

個男仔話邊個表白得好ge戈個就win,...win就有一份小小ge獎品...

誤打誤撞咁戈兩個女仔叫左我出去...成班人圍住我地三個..兩個女仔向我表白...o~~~

呢種感覺真係前所未有..因為第一次佢地兩個約埋講同一樣ge嘢...我就話兩個都唔得..

hoho~~以為兩個人都要受罰la...點知要再黎多次=="...佢都唔比d誠意ge...根本就係亂黎..

其中有一個女仔係地下摘左條草上黎...我諗住算la...有道具就win la...唔好再煩住我la..

比幾十人望住我比人表白都唔係咁爽...我仲尷尬過佢地...唉~~~

第二次我同另一個女仔輸左...個女仔整體上都算唔錯ge...之後要我地跳舞...要我捉住佢條小蠻腰...

個女仔超怕醜...好似唔係咁想咁...周圍d人又係度大叫..快點快點...之後我就大叫一聲"怕甚麽..來啊~~"..

我呢一聲好似比左d勇氣個女仔咁...佢好怕醜咁走過黎...我當然都好形式上咁放隻手係佢條腰度就算la...

我一放隻手落佢條腰度...佢塊面即刻紅哂...好似禁着左個燈制咁...佢紅住面低住頭個樣都真係好可愛^^~~

雖然我頭尾望住佢個樣都唔到一秒...但係因為佢平時都係一個幾活潑ge女仔...講嘢都係大大聲咁..

原來佢靜起上黎都真係幾ok ga wo...不過我都係唔會動心ge...hoho~~~整體上成個活動都係咁上下..

我食完飯返到宿舍...沖左個涼之後就瞓左la...足足瞓左我十八個鐘先醒...透支左我三日ge體力去啊真係~~~

不過同個班d人可以玩都咁癲都算唔錯啊...雖然有少少晒傷...多d同班d人去玩都真係唔錯^^