今日10點幾就起左身~

出左客廳打電視遊戲機~

打左一陣......阿媽 就出左黎就見到我打機......

好在佢無罵我......

只係叫我唔好打咁多機~溫多d書~

再打多陣......阿爸 就訓醒出左黎......

我就用左個唔知有幾快ge速度收好左部機~(幾勁~==+)

食早餐個陣.....阿媽 就問我今日會唔會留係屋企......

我就唔理三七廿一話左出街先~

之後再約d friend~

可惜......打曬比d friend都無個出得街......

最後~好彩比我搵到 富健 同 阿婷 去街~

我咁就去左 九龍灣 搵佢地~

到左 德褔 ge KFC 坐左係到同 富健, 阿婷 佢地吹水~

後來 郭志健 黎埋~

我就話想去打街鼓~

佢地陪我入去.....我歌完錢....入埋落部機到~

準備打個陣......富健 佢地就比人x左出去......(因為唔夠16歲...)

整到我無心情打......第一首就輸左......

出返去之後......第一時間當然同佢地三個講sorry~

因為正到佢地比人x.....

行左一陣街~我地就去左食 m記~

多得 郭志健 係到~佢有6折卡~

所以便宜好多~

之後 郭志健 走左~(因為要返工...)

我同 富健 同 阿婷 就食埋先走~

之後我地就一齊返home......

死啦~好奈無打過日記tim......

今日一早就起身返現代舞~

之後~就去左 東利 打街鼓~

點知比我破左5首歌~超級開心~>v<

阿儀 同佢個friend落左黎找我~

不過個陣已經兩點幾...

我3點要返返學校聽去 澳洲 個講座~

3點正返到去305室...

得一個同學同佢個家長...不過我都唔識佢地......

我就立即打比 Suki姐 ......

佢就話同佢 阿爸 黎緊......

等到3:10pm... Suki姐 終於黎到啦~唔洗悶~

開始個陣~林偉賢 同佢 阿媽 岩岩就到~

聽到4:30pm到....就完左~個會都幾好笑~

之後再返 東利 打機~

點知打到悶....=.="

7點幾搵 彭梓 佢地去左 沙普 打機~

係個到跟 彭梓 玩結他~原來幾好玩~

之後同 炮頭 玩...佢就成日輸....>.<"

都成11點幾先返到 home~

今日超正~>v<

今日10點幾比 阿媽 嘈醒左~

原來佢係話比我聽有人打比我~

我好無神氣咁去左聽電話~原來係 阿婷 ~

佢問我今日得唔得閒?

我本來話唔得閒~

但之後聽到佢話 金鷹 問我地去唔去游水?

我立刻精神曬~180度轉變~問我 阿媽 可唔可以去游水~

佢話比~真係謝天謝地~>v<

之後我 ,阿婷 ,金鷹 就傾去邊到游~

最終決定係去青衣~

我地約左12:30pm係竹園村個ok等~

到齊後~我地就一齊行落黃大仙~(超級熱......)

乘地鐵去青衣~到左之後已經1點....

行到去泳池1:15pm.....(終於可以游啦~)

我同 金鷹 換完衫就出去等 阿婷 ~

原來佢一早就係大人池到等緊我地~

我地行到過去就立刻笑死~

因為個大人池最淺個到係1.40m....最深係1.93m~

點知 阿婷 連1.43m都企唔到~哈哈哈~

後來我就去左淺d ge池玩~

金鷹 立刻睇中左一條女...

佢就叫我同 阿婷 想辦法幫佢識個條女...(超麻煩....)

我地無理到佢...之後 阿婷 講錯野...

比 金鷹 潑水~我就潛落水捉住 阿婷 隻腳~

整到佢死死下...之後個水上滑梯開左~

我地三個就走去玩~個到有三條滑梯~

見前面d人都係兩個兩個咁上~

好彩個 工作人員 比我地三個一齊~

我地三個每人一條梯~我同 金鷹 落到去都未見到 阿婷 ....

見到 阿婷 慢慢咁滑緊落黎....

都唔知佢係唔係肥到滑都滑得慢個人....(笑死我啦~)

3點幾個陣~金鷹 之前睇中ge個條女走左....

金鷹 立刻灰曬....佢又比 阿婷 串.....

大戰又開始...我同 金鷹 就夾攻 阿婷 ~

阿婷 返擊~我比佢扯頭髮~(好痛...>.<")

金鷹 就慘好多...比佢踢下體......

跟住 金鷹 就含住一淡水噴落 阿婷 到~

兩個鬥噴....(笑到我死死下~)

我就幫 金鷹 手~一炸水潑落 阿婷 到~

搞到 阿婷 追住我地兩個黎潑~

今日玩得好開心~不過游水就差左好多~要練返多d先~