今日朝早6點40分就起左身...真係好少見~=.="

返到學校就立刻坐左個去 美欣 個邊溫世史...今日要補測...

溫溫下就無端端比 阿文 打左一野...好無奈...>.<"

頭個兩堂生物又要測驗...好麻煩...

之後第5堂普通話堂有好氣睇~

老黎 同 梁素吟老師 嘈~

因為 老黎 排隊走左去第二邊又走返黎...

之後 梁素吟老師 罵佢...佢又死要面罵返 老師 ...

跟住 梁素吟老師 又問我地 "佢今日係唔係受左D咩刺激...?"

"係唔係佢上我堂之前比其他老師罵過...所以心情唔好...?"

後來我地成班都話 "唔係~"

本來 梁素吟老師 話比一次機會佢...叫佢講sorry就算...

點知 老黎 就話 "我中文 ,英文同普通話都識講...你想我講邊種?"

老師 就話 "好!你講英文~" 老黎 就好唔正驚咁講左一聲 "sorry~"

好唔好彩...佢話 "我要你講英文 ,係要你講完整句子...."

就係咁...老黎 就o左嘴.....

最麻煩就係要叫埋班主任...同埋就係要打埋比 老黎 ge家長...

件事就咁完左......

中午個陣個小息...富健 同 阿婷 係度嘈...

之後 富健 一手打掉了 阿婷 ge一隻鞋...

跟住 富健 隨埋 阿婷 隻襪...

兩個係度爭....最後 阿婷 以一隻有穿襪有穿鞋ge腳....

同一隻赤裸裸ge腳戰勝左 富健 ....成功取返佢隻襪....

最尾個兩堂英文唔洗上~超正~

放學之後要補測世史....富健 同 阿婷 就立刻走左....

我都算ok ge...4點幾就走左啦~

之後返左home~

7點幾出左去補習...

補到就走得個陣...阿媽 特地打返補習社...

同我講放左之後 阿爸 黎接我...因為落大雨...

我又怕麻煩...所以騙佢地話自己有帶[姐](傘)~

放左補習...去買左一個 麥記 食~

返到home...我就變左半個落湯雞.....

今日9點幾比人嘈醒左~~~

之後再訓多陣...點知10點幾又比我 細妹 嘈醒左~~~>.<"

1點幾就出左去 藍田 剪髮~

洗剪吹加埋$60...幾底~~~

剪完之後個 髮型師 就同我gel頭~

佢用左一隻 [紫色ge髮泥]黎同我gel...我個人都覺得gel完幾型仔~

之後3點同 阿wing ,阿楠 去左打機~

今日都破到一首歌~都幾滿意~

5點幾返home等 阿爸 ,阿媽 返黎出去 龍翔中心去飲~

因為今日我 親戚 結婚~~

不過...我係home打ps2打到8點幾佢地先返到黎...

淋急淋忘走出去....=.="

去到見到個幾個月無見ge 親戚 --- 棉羊(佢個花名) ~哈哈~

我地吹左一陣水就開餐啦~

原本 美欣 ,炮頭 話黎龍翔中心找我...

之後又無黎到...=.="

講返先~本來我飲可樂...之後見到我 阿爸 杯啤酒...

我就叫我 阿爸 比我溝可樂~

我阿哥就話我唔應該用可樂溝啤酒...應該用7up黎溝...

我聽到之後立刻問人拿7up~

之後叫我 阿爸 比杯啤酒我溝...

飲左一淡都覺得ok~

就走左個去找 棉羊 ~一人一半一齊飲~~

後來我又問人拿多一罐7up~今次我地溝紅酒~

我地連續飲左幾杯~~~超爽~~

今日都可以算係我有生以黎飲得最多酒ge一日啦~

走ge時候~我同 棉羊 講左一句 "see you~"~

跟住就有個 阿姨 笑笑口話我飲醉左~我當然無醉啦~邊有咁易醉呀~

我地返到home都11點幾...

我 堂弟 ,堂妹 上黎我home訓...今晚一定唔洗訓...

一定嘈到死...

好野~~~咁多人黎睇我個日記~~~好開心呀~^^

不過...開心完就要講返D麻煩野~

今朝返學個陣...落大雨...明明有帶[姐](傘)...

點知都會整到條褲濕曬......>.<"

返到學校條褲濕到上[大比]...

之後無端端比第5隊 prefect隊長 足左黎代佢個隊ge一個 女prefect....

我要代佢中午1,3樓...=.="

中午個陣同一個 男prefect and 女miss 一齊巡~~~

本來以為E個中午唔會足到人架啦~

好好彩係打第2個鍾之前收到超級可愛ge師弟---生生(朱寶生)學生証~~~

哈哈哈~都係佢自己底死~岩岩係我巡到佢課室....

生生 就講左句 "食屎啦~".....咁就比我足左啦~~~哈哈~

放左學我地D 朋輩輔導員 要開會...

完左之後5點正...返到home5點幾...

訓左一陣覺...7:30pm出左去補習...

補完之後就同 阿wing 去左打機~

返到home以經11點幾lu~~~