我係果日大約係九點半起身，食完早餐就打一陣機。冇耐我就無啦啦聽CD音樂，好快就要食午餐，食完午餐之後又打一陣機。隔佐一陣我又要執行李去旅行，到佐一點九就同媽咪一齊出發啦！

    到佐尖沙咀既中港碼頭，我同媽咪仲有五叔公五叔婆佢地一齊上船到順德。我地係碼頭到搵一架去順德既船，但係搵極都搵唔到架船wor。原來我地一直都行錯路，其實果架船泊係下面果層，搞到我地腳都軟！

    架船最後係三點半開出，搭佐兩粒鐘先到順德。去到順德之後就坐免費巴士到福盈酒店訂房同埋擺低行李。做完ed野就後我地就搵啊表舅父車我地去佢屋企。表舅父車我地到佢屋企樓下之後就要行八層樓梯上佢屋企，係上佢屋企途中最特別既就係一行到邊個位就會開燈 (即係智能燈)。我地去到佢屋企都巳經七點鐘，入到表舅父間屋企真係覺得好大啊，有成1200尺大 (室內)，仲有2200尺大既天台同埋大露台都只係得30萬就買到啦，真係羨慕死人啦！

    係果度我地一齊傾野，我就玩BB (表舅父個女)。到佐八點幾，我地大家一整係大露台到「打邊爐」，基本上成餐都係肉，係我開聲話要菜先有少少菜，d菜都係天台新鮮摘出黎食。食完之後就巳經十點啦，然後我地就一齊去「知足常樂」既腳底按摩店。我就緊係冇按摩啦，因為我要睇《一公升眼淚》既大結局啊嗎！

    其他人都腳底按完摩就各自各返歸！我就係酒店到沖涼，到佐兩點就訓覺覺豬啦！！！~~~ZzZzZz