岩岩睇左kathy個日記
我先知道..原來kathy鍾意左佢家姐
(佢家姐其實係男仔黎~係kathy係網上黎既~因為kathy有阿哥啦~但冇家姐~所以就做左佢家姐)
但係佢家姐要移民~冇得再玩icq~
所以kathy就咁冇左佢家姐(佢家姐好錫佢~好就佢ga~)
kathy係佢家姐仲未移民既時候~成日都嬲佢
但係e家佢家姐要走啦~先知道原來自己係鍾意佢家姐
我覺得kathy個家姐就好似阿龍同輝哥咁
對我好好~但係我就成日發佢地脾氣
我覺得自己好衰~好賤格
人地對我好~但係我就成日嬲佢地~鬧佢地
拎佢地黎出氣
但係...錯既唔係佢地啵
有咩事~佢地都係第一時間黎幫我~
我有d咩唔開心~佢地都係係我身邊支持我~安慰我
每次我對住佢地發脾氣~佢地都唔會怪我
我發脾氣講我以後唔on既時候
佢地會千方百計諗計哄番我
面對我既任性~佢地一句怨言都冇
唉...
點解我會咁?
見到佢地就自不然發脾氣
唔通真係要好似kathy咁~失去左...先知道重要咩?
唉...打到e到
我好想喊...我好驚失去佢地呀...
因為失去佢地~我就會連一個知心既朋友都冇
佢地都係我既知己~除左我d屋企人~冇人會比佢地更加了解我d野
e家我同佢地就好似"最愛是誰"入面既劇情咁
我就係女主角程薔~龍就係男主角凌亞風~輝就係涂夢青
本來女主角同男主角係情侶~但係涂夢青突然出左黎
女主角就鍾意左涂夢青~但係同時~佢都仲鍾意緊男主角
但係女主角就唔想傷害男主角~所以佢唔知點揀
唉...
我認~我係鍾意佢地兩個
但係我又唔知揀邊個
佢地兩個都對我好好
但係佢地兩個我都唔想傷害呀
因為我知..如果我揀龍~輝一定唔開心
如果我揀輝~龍都會唔開心
唉...好煩呀
如果...如果我從來都冇識過佢地~有幾好
可能我唔應該識龍~唔應該係亂online到同佢講hi
可能我唔應該識輝~唔應該入佢組
如果我只係識佢地兩個其中一個~有幾好
又或者我兩個都唔識~仲好...唔洗煩
唉....可能我e家開始唔on~都係一件好事黎
等佢地慢慢淡我
不過e家龍好似都識左第二個女仔
可能咁樣都係一件好事黎
好似男主角凌亞風咁~
不過就唔好好似凌亞風之後咁...
番黎搵番女主角~
因為我唔想佢地任何一個傷心~受傷害
唉...我好辛苦呀....
|
