穌Walk-團隊建立感恩集
感謝神 若沒有神 鄭懿琳在穌Walk裡面就會變得只剩一副驅殼
多謝神俾一班統領整個穌walk既HKCCC同工們 他們每一個細節都安排得妥當 福音行動都非常豐富!!
還有一班很願意分享自己 互相信任既弟兄姊妹!
多謝YQK 馬浸 同埋PUCCC一班弟兄姊妹既奉獻和禱告 我知道所有既得著都系因為有你地既支持!!
特別多謝YQK系DAY8同DAY9借出場地俾我地一班穌WALKERS做傳福音既據點 令我地吾洗拎住D物資走黎走去
在穌WALK期間番到教會呢個屬靈既家真系好興奮!!
還記得在報名穌walk前 我的出發點很單純:為神作工
想著下年可能要實習而定意報穌Walk 卻完全想不到耶穌會送給我一份出人意外的禮物給我
由憑信心籌款到完成整個穌walk落山 一直都經歷耶穌滿滿的恩典
籌款截數前一個星期還剩一千多元沒有籌到 到星期日就已經籌到三千多元
愁著體力足不足夠 雖然每天到了傍晚時分就疲態盡露
甚至原來有人在低收入群體佈道時問過姊妹:易拎系咪吾舒服.. 幸好十天的旅程沒有一天是不支倒地的
剛開始穌walk仍未進入狀態 到了day3-4的時間 心裡那團火再次被點燃
Day3內地人佈道 由他們不瞅不睬 到導遊主動向我們要一大堆福袋派給旅客
Day5由天文台晚上掛3號風球 想著需不需要出camp中止穌walk 不久所有風球都除下
Day8早上的紅雨 在弟兄姊妹熱烈地敬拜之後變黃雨 ..
還有大大小小見證著恩典的時刻 都令整個穌walk順利完成!!
好想去感謝每一個天父安排俾我的穌walk同行者:)
多謝第3組 可能今次穌walk我系組裡面做左一個安靜既聆聽者 但我好中意聽你地既分享 尤其是你地分享自己既生命 同埋見證
完全冇諗過我地可以分享得甘深入 諗番起我地系day10分享到流淚 深深感受到主就系我地中間默默為我地打氣
你地每一個都有我好希望學習既地方 特別系你地渴慕神既心 對神既信任 對福音既執著
亦好欣賞第3組既弟兄們.. 在day7完左穆斯林佈道 專登由尖沙嘴搭車到沙田同我地食飯.. (感動modeT T)
帶俾我好有溫暖大姐姐既感覺 願意分享自己既難處和憂慮 出去interview仍不忘福音 坦白既組長阿蕉 (好中意聽你講野啊hehe..)
默默付出 入camp都仍然不辭勞苦打長長的recap 細心關心組員感受 對自己好有要求 食野最慢但又好貪食既組長Kenny (下次食吾晒搵你包底!!)
成日包容和提醒做野粗心大意 又好大頭蝦既我 無論靈命同性格上都很成熟 大笑時有一對好得意笑眼既老文 (仲記得你金句:吾好抹殺任何機會!!xD)
好識得搞笑 又會記得晒我地個個既名 同你pairup學到同比喻方法去同小朋友講我地同神既關係 講野有一道沉穩聲線 洋蔥頭既John Wong
感謝你教我點樣用一個大人既角度去處理人際關係既問題 同你一齊會有好多歡樂 愛笑愛抽人水既Mona(開心就系甘簡單~~)
很願意解答未信者問題(多謝你營救吾識答問題既我><) 又會認真思考佢地既問題和分享自己 會不時鼓勵別人的阿扑
由祈禱鏈開始就知道你既性格好可愛同搞笑 坦承自己在同神既關係有疏離 很願意接受大家既關心 欣賞你說過一句:"很信任學傳既弟兄姊妹" 繼續為你既生命禱告既Catcat (我會記得你既路宿者之家!!)
好奇怪你會用兩隻手指放系鼻下就可以舒緩鼻敏感既說法 亦因為甘成為左你既招牌動作xD 之前聽其他人講你中意讀經 有一顆渴慕神的心 消防員阿東
"純良如鴿子"最適合形容你 欣賞你將神放系優先 對神有一種好單純順服既心 感覺上好容易得人信任既老How (我吾系"亦玲井".. 仲有我吾系姓井...T T)
期待再一次見到你地 到時再聽你地更多既分享^^
當然吾少得屯門區FYP既每一個生命!!
短短兩日FYP完全感受到神同在 兩日都充滿喜樂!! 仲要吾知點解第一日就俾人話我系男姊妹...><><
可能系全個camp最嘈既人系呢一team 過幾秒就會彈出一個又一個笑點.. 呢兩日我笑晒D QUOTA啦..
弟兄姊妹好努力吾放過任何機會出Blitz 每個人既分工都好清晰 扭氣球派賜加力派餅揼骨等等 你地每一個都好落力去做
雖然我地mc吾多 而且公公婆婆都有顆硬心 但你地都冇放棄過 約續再搵下一個福音對象
好欣賞弟兄們兩日都吾怕自己身體頂吾順 走左去籃球佈道 就算成身臭晒都專登走去買番件新衫著..
系pretrip覺得你好嚴肅認真 但其實笑點好低性格好可愛 幫我地整整齊齊甘整好晒FYP時間表 同每一次開會討論內容既Janet姐姐 (好多謝你既信任俾我幫手 同埋你whatsapp中既關心><)
吾知點解系day2開始成日都見到 多謝你成日拉番講緊笑既我地回正題 有認真又有搞笑一面既阿萱 (仲記得你講過所謂"物理的浪漫" 我地真系吾明 但又好好笑!!)
成日指點熟悉少少屯門既我去路 enjoy同你一齊搭台blitz既芷敏 扮文靜但又可以笑到好顛 感覺識得去憐憫同情人既阿Ken
成日互相抽水 清楚自己恩賜既福音對象 俾你發現我傻他一面 好中意同你單獨傾計而又會無所不談既Harriet 一個傳福音好拍檔 中意同未信者挑機但又吾敢自己主動approach人 常為未信者著急既Simon 完全感覺到你"以基督的心為心"既一面 系你身上學到要設身處地為他人想 你滿臉無辜個樣真系好好笑既Lamhiu
笑得好高音 好中意用無表情既方法搞笑 對初信者既follow up有一份執著和主動分享既康橋 會挑戰自己用一種未用過既方法佈道(象棋佈道)去接觸對象 中意搞笑 好識得吸引小朋友聽福音既Dennis邢棍
出口成文 常常關心組員們傳福音感受 又會很主動去關心福詣對象需要 受到邢棍同康橋倍增成傻仔既Kelvin 好中意同小朋友相處 但又吾會撇低每一個 (最記得你好緊張一個喊過既小朋友好有愛心!!) 既Nicole
拎住一支筷子出餐廳令我地笑過不停 有時會爆一兩句好好笑既話 好俾心機搵話題同福音對象講既阿lok 同你傾計好舒服 體貼福音對象既需要 你既行動讓人感到好被關懷 好容易就會笑既頌詩 仲有詠詩同Rachel 雖然你地因為病左既關係冇辦法參加今次FYP.. 但你地既禱告支持我地完全感受得到!!
我記得晒你地d名嫁!! 好享受與你們同行^^
如果睇完呢篇感恩分享 好想邀請你睇我另一篇系穌walk裡面 神俾我既提醒同得著 繼續感受神滿滿既恩典:)
Link:
|
