今日;

今日差唔多8堂都唔使上呀~因為頭個兩堂經濟,我就drop左,中文堂唔知古丁係咪去監考,冇上到堂~我地成班都作左反,攞個d紙「掉」來「掉」去!「掉」左足足兩堂,我都有份,見人地玩,我又點可以唔玩呢?勁好笑!今次既中文堂算係兩年來最happy架啦! 唔使對住古丁之餘,又可以作反!

跟住就英文堂啦,睇movie,所以又唔使上啦!差少少就睇哂架啦!唉~要番到去先睇到個大結局呀!

lunch我地就留係學校食,食左個杯麪啦,不過唔係咁飽!

數學堂~我都唔上既,有上=冇上一樣,唉~今日俾全班傳我同佢既事~我同佢坐埋一齊唔=我同佢有野呀~(無奈中..............)

跟住就放學啦~本來係同呀麗賢去睇film,不過原來收錯左「風」,今日冇得上,明日先有得上!雖然有d失望,食左m記!跟住我地都行左差唔多3個幾鐘到啦,因為我大把野睇!又要睇袋,又要睇phone.......套戲聽日先睇啦!

明日就放假啦~不過都係補數學~我諗住唔番!超~聽佢講廢話不如番屋企聽歌仲好啦~so,我聽日唔番~哈哈!

我要買袋呀!有好多野要買呀!新年加油啦~