聖誕節快樂~>.<

咁快又到左一年一度既聖誕節啦~今年既聖誕有d唔同,因為我係酒店度做~

唔好會錯意,我係係酒店番工中度過~哈哈!覺得今年既聖誕節冇乜氣氛,過左都唔知原來過左聖誕節~=.=哈哈!都係咁樣過日子~

唔經唔覺都離開左大華一個月到,都幾miss 以前既同事,我諗佢地都己經搵到工了~而我都仲係做緊酒店part time~

都係過完年先搵一份長工啦~何況而家都唔等$用住~

係如心度做左一個月到,d人都唔錯,可能有d同學係個度做,感覺都開心d~

d同事都幾講得笑,係度做仲開心過大華~

過多幾日就新既一年啦~我又老左一歲啦~>.<

終於冇得撈啦~

大華酒店,再見了~

咁就半年啦,一開始做,我都唔相信自己會做到半年咁耐,但的而且確係!所以有陣時都好佩服自己~

半年度,有開心,有唔開心,不過我相信係我個腦裡面好難先搵到開心既片段~

好多次想過唔做,但係都被自己克服左去~因為世事萬物,又豈容你說一個「不」字呢~有太多既無可奈何啦~

縱使係咁,唔知點解係我既心裡面總牽起點點既波瀾,我推測可能係失落感,我竟然會唔捨得!心裡面不自覺咁苦笑起來~一直都想逃離呢度,但成功了卻有點不捨!哈!

而家開始搵工啦~對於未來還有疑惑既我,希望有一個新既開始~

好耐,真係好耐冇打過日記啦~

而家番酒店,做waitress,都冇乜心情打日記,

番e份工,有時真係好辛苦,做到成隻狗咁,

又要對住d勁黑人憎既人,真係見到都想打獲佢,

唔經唔覺都做左三個月啦,加人工啦~加幾百$到啦~

唉!諗吉起初初做左5日都唔想做啦,做做下就3個月啦~

諗起都覺得自己了不起,好佩服自己!

做多3個月都可能唔做啦~因為轉左新老闆,唔知仲請唔請番我地e班人~

都預左唔撈~如果做多3個月,都做左成半年,都覺得自己幾勁~

咁辛苦都挨到!之後又要搵過第2份工~睇下e度仲請唔請番我地啦~如果請番,我都會做落去既~

終於有酒店請我啦!見左3間,我見e間叫「大華」酒店,估唔到一take過!

仲好,唔使又第二次見,定左今個月28號番工!之番又要做身體檢查,又要開過個恆生戶口!

勁多野做,不過人工都唔錯,又有tips!

今個月用左勁多錢,如果唔係個死人地鐵,我都唔使做咁多錢!

激死我啦,唔緊要,我做野個陣仲唔賺番來!哼!

做左半年啦e間精品店,真係眨下眼就半年!

都有少少唔捨得,雖然人工唔係好多,不過都幾好做,應該第日仲會有機會做番既!

聽日約左呀敏去睇戲,睇魔盜王,好驚聽日冇飛買呀!不過如果聽日唔睇,都唔知幾時先有得睇啦!

第3集,都等左成年啦,所以一定要睇!

而後日就約人左去「砌積木」,好耐冇砌過啦!麗賢又來唔到!唔記得左佢要番學!

之後個d日子,就有排挨啦!

今日:

係母親節!我呀媽佢係咁同我講話:「母親節啦喎!」

我都知今日係母親節,雖然我一直以來冇乜表示,不過我自己心裡面都計畫左唔少~

我都有諗過同佢飲茶,不過佢又唔like飲茶,所以我諗住送個polo錢包俾佢,

我一直都冇講過架!諗住俾個驚喜佢!

跟住今日特登請左半畫假,去左先施度睇下d polo銀包!

睇左一陣,睇左一個polo銀包,唔算貴!就買左啦!

本來諗住攞200蚊出來買mp3,結果都係俾左呀媽!算啦!都未俾過錢佢!mp3遲d先買啦!

不過冇mp3既日子係咁慘架!=.=

晚上,就靜靜雞攞左出來,送左俾佢啦!順便俾埋200$佢!都見佢幾開心!

不過佢初初以為係翻版!真係俾佢激死!

唉!翻版我仲會買來送俾佢?真係俾佢激死!