今日:

唔開心~因為成日都俾呀sir話我冇用~

加上又俾個死人kinder串我~食屎啦叫佢,佢都唔係醒過我好多架咋~

本來我都好地地,不過後來呀sir佢又話我冇用~

我自己就係度心諗:我係度做緊乜呀,俾人話冇用~我究竟讀來做乜?

跟住就喊左出來,我好想忍住唔喊,不過都係唔得!於是忍唔住走左去酒倉個度喊~

點知之後成班人搵我,原來呀sir佢叫我數門數.我唔見左,於是個個都係度嗌「elaine」

唉!諗住自己一個人冷靜下,,,,點知個個都知道左~真係勁冇面了~

之後都冇乜事啦~點知呀張sir都睇得出我唔開心,問我咩事,不過我又黠好意思同佢講呀!

算啦~總知我下個星期做好d俾人睇,唔俾人睇死~哼~

今日:

真係激到我死死下....

今日去洗碗房攞牛油碟個陣,聽到班師兄講話:「點解xxx班唔使洗碗架~」

我真係頂佢個肺,前幾日d碗邊個洗架!佢地洗一日碗咋,仲要唔係好多喎~

佢地有咩資格出聲呀!前幾日成50幾個客,我都係咁洗啦~成隻狗咁!仲要得我一個同另一個~

我都冇出聲,仲洗左幾日,幾時輪到佢地出聲呀!唔想洗咪咪鬼讀囉~又冇人迫佢地~

今日仲要搞到個場勁油,要我地同佢地執手尾!真係......x街啦!真係勁惱!

「吾聽言;欲還之,

  但為學,且為己,

  莫結怨,免招禍,

  看小人,唯嘆息,

  望終日,離而去,

  闖江湖,見塵世,

  君子之心坦蕩蕩,小人之心長戚戚!

  行得其所,做得其對,

  已無悔,已無憾!」

琴日:

學校開放日,企到死死下....雖說對鞋唔係好高.

不過都企到我死死下.....不過都幾好玩....

而且又有得試野食,都幾好食!我仲煮野食..好彩冇出醜啫!

我仲攞到佢一本薄添!不過唔係我攞架~人地幫我攞既!

近掛都好辛苦呀!又要番工,又要番學,而且又要晨咁早起身煮野食!

搞到我都冇TIME上網,同寫信添!

想快D畢業呀!出去搵野做呀!

今日我想去澳門,所以要快D草錢!!!!!!!!

新年快樂~

今年新年,冇乜特別,又係番工中渡過,不過利是錢真係少左好多~

可能仲早啦,不過真係少左~=.=

不過公司都俾左封利是俾我,呀頭都係!

而且又去左kiki家中拜年!第一次自己去人地家中拜年~幾好玩~

今日冇番到學呀!好似得全班3個人番~

聽日番到去一定俾呀sir插~

不過我今日真係唔舒服,仲番學,我會死!!!!!

今日表姐來拜年,去左飲茶,勁貴!雖然又對住條化骨龍,

不過又逗多兩封利是啦~yeah~

又就來情人節啦~

祝大家情人節快樂啦~唉!既然都買左,都唔知送唔送俾佢好~

送左又驚佢會唔要,就算要左,都會分左俾人食~好辛苦呀!

不過又驚得幾多呀!送就送啦~

原來佢都唔係咁我想像中咁好!問到我like佢d咩?其實佢都唔係咁好!

算啦~人既野,時好,時唔好架啦!無人係完美架嘛!

而家番學真係當番工,有時會做到死死下,仲要冇錢個隻!

不過算啦~就當係俾自己既一個磨鍊啦~挨到,就得啦~

e幾日都唔會好開心!因為.......人就係冇咁多選擇~