今日:

睇到都冇乜希望,搵工方面....

所以就去左老豆介紹俾我個報紙檔度睇下有冇運氣啦~

點知,只係問左幾句就問我幾時番得工~個老闆都幾nice!

所以就拿拿聲去印身分證俾佢,諗住聽日就番工~

點知,另一間打來話叫我去interview,帶埋d相去~

如果另一間請我,咁我應該打邊間工呢~

而家好矛盾呀!不過至少可以做野啦~

有$收,嘻嘻~

今日:

又去搵工,約左hikki一齊去搵工,不過佢就搵到工啦~

所以我都要努力搵工~點知?

出到去,咁岩落得勁大雨,大到我行唔到~條褲腳都晒~

跟住呀hikki就打來話:「我冇帶傘呀?來接我啦~」

有冇搞錯呀!明知打颱風都唔帶傘?真係.......

咁冇計啦,就唯有去接佢啦~

我地就行過去九龍城度搵啦~我地又搵m記,又搵kfc,又搵賣衫.....

個個要有經驗,真係激到我死~

搵左成半日,我地由九龍城搵到黃大仙又去到龍x..........

都係等電話,.....無奈萬分......

唯有回家再商討~~~~

今日:

同呀hikki去左見工,同攞番d學費....

又去觀塘,今個月都唔知去左幾多次觀塘....=.=

攞完學費之後,就去左apm見工,見左兩份~

真係唔明d老細,成日都要有經驗,唉!佢地唔俾我做,又點俾經驗我呀!

見左兩份,都係要等電話~都冇乜希望啦~

點知,呀hikki成功左,欣都搵到m記做啦~

我........

我好想做野呀!有冇野俾我做呀!

真係好悲呀!

仲有成一個月先開學~

今日:

好耐冇打過日記啦,差d唔記得有e個日記添~哈哈~

今次係我放左榜第一次打日記,識我既朋友都知我放榜幾分啦,係度唔多講啦!

放左榜,我就一直搵學校,睇下有冇學校收,搵左5間到啦(計ive)~

搵到學校,老豆老母又唔俾我讀,佢梗係覺得搵學校好易呀!

我好唔容易先搵到個學位,佢地又唔俾我讀~

今日,我終於搵到一間學校啦,佢地又唔俾我讀!

我就梗係理得佢地啦,我諗左好耐,諗左差唔多兩個鐘,

一來又驚冇左個學位,二來又驚俾佢地鬧~

諗來諗去,都係報左先,如果冇左個學位,佢地就真係想我讀都冇得讀!

佢地都唔知點諗既,成日都覺得ive好d,無可厚非,ive真係好d,不過我d分數唔合乎佢地既要求,

咁都冇計,唔通搵支搶指住佢地個頭呀!好心佢地用下個腦啦~

佢地成日話「你估搵錢好易呀!」我而家講:「你估搵學校好易呀!」

報左就報左,都冇得怨~真係難得呀hikki陪左我咁耐~

希望我可以讀到啦~不過冇陪我讀,真係好慘~

今日:

係我迎接死神既前一日，真係好似係度等死咁．．．

諗起聽日就．．．．．．乜都冇心情，

父母又點會明白學生既心情呀∼

我諗緊我仲訓唔訓得著，真係慘．．．

會考！教統局年年都要搞出人命，導致血流成河先改手．．．

仲有唔夠２４小時．．．