今日;

出門口個陣feel到有d雨,又勁涷,涷到我死下死下咁番到學校。

頭個堂就係中史堂,我地呀sir搞左個班裡面既問答比賽,我地個組win左隔離個組10分,哈哈!險過剃頭呀~不過都win左!!!!

跟住就世史堂啦~死人呀sir又叫我個名,仲叫左幾次,又串我!死野呀~乜我好好串咩~哼~悶,就係人都會傾計架啦~傾左都叫我個名!激死我!

英文堂又默書啦!!!番到去先溫,不過我都識~好easy啫~哈哈!

lunch之後,又係數學堂啦~因為要test,所以我都冇乜溫書,只係訓左半堂!跟住「腦膜炎」就講幾時補課啦,唉~我番唔番都成問題啦,不過都要俾下面,mark下d time!

點知,問個篤咁既「屎」幫下手攞我個time table既時候,個篤咁既「屎」勁冇禮貌咁望左我眼!條仆街!如果你唔係坐我個位,我寧願死都唔會叫條「荗利」幫我攞呀~都唔知係咪男人,問下你攞野就粗聲粗氣!鬼唔望你第日變成「失戀之王」呀~日日都俾女fly!哼~正一「荗利」！ 唔鬧唔得！

而家講哂出來，都舒服左ｄ！！！

咁就又兩堂啦∼放學啦∼今日要去自修室呀！為中史而ａｄｄ　ｏｉｌ！！！

要快ｄ派紀念冊啦∼如果唔係「蘇洲過後，冇艇搭呀」∼（唔知係咪寫）

今日;

早上點名,唉!又見到古丁!我覺得見到佢就冇好野架啦~

今日呀ling叫我傳野呀浩,點知俾呀古丁見到,佢又走過去8下啦!

唉~人地傳野關佢屁事咩~咁都要理一餐!都唔知佢做乜!希望ling唔會怪我啦~ 至衰都係個古丁!見到佢實冇好野!

 今日呀欣原來唔舒服,點解e幾日好似個個都唔舒服咁既!不過我都係,唔知係咪食錯野,個肚唔係咁舒服咁!~.~

lunch之後就eg堂,默書呀~不過我覺得好easy啫!唉~hikki又唔合格!

過下過下又過兩堂啦~又放學!跟住去左還書!因為唔舒服,就拿拿聲番左屋企啦~

呀kiki幫我買左westlife既poster啦~我恨左好耐啦~而家終於有啦~好開心呀~thx!

要加油呀!westlife!

今日；

食完早餐之後，就去拾車，點知竟然見到英文ｍｉｓｓ，因為我聽緊歌，所以都聽唔到佢嗨我！哈哈！估唔到佢都係拾小巴既！！！

勁唔舒服，搞到我唔乜心機上堂∼∼

一早番到去，就見到古丁，本來都已經唔舒服，見到佢，唉！！！！！想死！！

見到佢開投射器，以為又上課，不過佢竟然開人地既日記來睇，佢有冇理過人地既感受架！！（雖然唔係我既日記，不過我都身同感受），正衰人！

今日，同平日一樣，見到同樣既野，發同樣既夢！！！

數學堂，地獄堂，所以要睇書，如果唔係一定會俾呀「腦膜炎」殺死！

好彩有呀ｈｉｋｋｉ俾左ｄ藥俾我，令到我舒服左ｄ！！ｔｈｘ！

食左ｌｕｎｃｈ，就世史堂！世史堂，發夢堂！！都唔只係我啦∼∼差唔多個個都係發夢，唉∼除左麗賢啦∼

死人呀ｓｉｒ，成日都叫我個名，我個名好好叫咩？正衰人！！！哼！

發下發下又過兩堂啦∼咁就放學各自ｆｌｙ，咁就有一ｄａｙ！！

跟住就同麗賢去借左本書，番屋企睇！！！

今日過得麻麻地啦∼對住一ｄ「勁人」囉∼就要忍下啦，都忍埋ｅ幾個月啦∼快快快呀！！！

今日;

俾個古丁調左我位,我勁唔想坐而家e個位,我寧願坐番以前個果呀~都唔知佢點調位架~

冇端白事走入來就講話調位,好心就俾個心理準備俾人啦~佢都傻既!!!!

唉~我而家就慘啦~俾人打左落冷宮,調到我咁後,算啦~佢如果放棄我既話,我都放棄佢啦~嫌我d成績唔及人地好呀?算啦,睇野睇表面,就唔好學人做教師啦~ 超!!!!!!

唔好提佢啦~提佢都冇哂胃口!!!!

我而家睇哂向達倫本書啦!我一定要睇埋另外個一集先得!因為大結局啦!!!!!

好想睇魔幻王國,希望有人陪我睇啦!

快d過埋e個幾月就拿拿聲唔使坐而家個位!!!仲更加唔使對住古丁,吸佢咁多臭煙!哼!!!!