今日:

係我地最後一個番學日,亦都可能係我係e間中學最後一日既番學日。

今日上堂既氣氛都好似好悶咁,特別係上中文堂,全班都好似死哂咁,我都唔例外啦!

我地今日全班都係度狂影相,我就向呀kiki借左部相機來影,我就差唔多影到冇電咁濟!

今日我地全班都一齊去食野,真係真係好難得,仲搞到我地差d就遲到,不過遲左都唔緊要啦!大不了咪俾隻狗鬧!

今日:

唔知係咪就來會考,好似都冇乜野做一咁,成日都冇乜野做,地理堂仲唔使上添!

今日,lunch之後,麗賢送左d野俾我,原來係一個熊仔既鎖匙扣,幾得意,多謝哂呀麗賢!

我知我地既感情好似淡左,而且一日到黑都冇乜傾過計,不過,都希望你明白,你始終都係我既朋友,我真係唔想我地既友情淡哂,到唔再存在係e個世界,始終你都係我既朋友,係一世既!希望啦!

今日放左學之後就去左bank度入$,唉!今年入既$少左,鬼咩?我買左野呀嘛!

唔經唔覺又就來走啦!今日可能係我上既最後一次早會,都6年啦!一時之間叫我就來走都有d唔捨得,唉!好似第一次要面對e個世界咁!有d驚驚地!雖然升上去既機會好微,不過我都會盡量既!希望大家都盡力而為啦!

唉!講到好似遺書咁!.!

仲有5日就考啦!

今日:

今日俾隻狗鬧,佢話我地做咩唔做pass paper喎!超!個兩張野根本就唔使交既!係佢話要交咋!冇做就「費」我地!仲話要我地留lunch喎!超!留咪留囉!驚佢呀?搞到我企左堂中交堂!勁唔抵!!!

好無聊咁上左兩堂唔知係咪地理堂既地理堂!我地係咁傾計,傾到好開心!哈哈!傾到lunch,唉!又要對住隻狗啦!我實行絕食抗議,唔食野?哼!雖然個肚好餓,不過總好過對唔住自己!!!

雖然好唔開心對住隻狗,不過體育堂唔使上呀!我地就玩uon同七隻pig!因為我初初玩,所以都玩錯左幾次,不過玩落又幾好玩啦!後尾我先冇輸咁多咋!嘻嘻!

玩下玩下又放學啦!我同呀渣希去左wts度買野!佢同我都一樣要買野!我就買左個磅,方便減肥呀嘛!

我地都傾左好多野!傾下傾下又係時候各自歸家啦!

番到家中,磅下....原來自己係咁肥架!有@#$@%^&$$^%^咁多磅呀!嘩!睇來我要努力先得啦!

離mock只係得番10幾日,驚驚中.....

今日:

交左$俾miss啦!因為要去謝師宴!雖然初頭講話唔去.不過都係俾隻狗鬧到我唔想去,同都幾貴下...

不過俾人勸左之後,又自己諗下去謝師宴可能真係大家同學見既最後一次面啦!都唔知仲有冇機會去呀!所以,諗下諗下,都係去啦!

不過都好煩,又要諗著咩衫,唔知化唔化妝,唉!化左出來仲唔知見唔見得人個隻!不過升算啦!笑都係笑埋個日一啫!!!呵呵呵呵呵~~~~~~~~~

今日要數學總測,我冇溫,不過都要呀麗賢教下我一d基本既野先得!所以lunch就留左係學校食啦!

唉!不過溫來做咩呀,到左測驗個陣一題都唔識,唉!睇來我都係認命啦!對數學!!!!!

我都係like英文多d啫!不過講開又講,我個本oral book竟然唔見到,借左俾人就唔見到!都唔知邊個同我咁大仇口,成日都steal左我d英文書,唉!上次已經唔見到一本啦!會考靠佢搵食架!!!唉!唯有到考個陣同人地溫啦!激死我啦! 真係火都來埋!

而家開始我既減肥計畫先!!!!!加油~~~~~

今日：

番左學既第三日，哈哈！番到來似乎都冇乜變過咁！不過變左既係又來考試近左啦！驚驚中．．． ，不過而家就開始溫書啦！會考唔合格都係個模擬度合格呀嘛！

今日，唔係幾舒服，唉！！搞到我冇乜心情上堂！不過第３堂就係古丁堂！點唔得都要得架啦！今日佢叫左勁多人答問題，不過有好多個都唔識！包括呀渣希同大ｆｌｙ，好彩佢冇叫度我啫！不過佢叫到我都唔驚，大不了咪企！哼！

我地既班相出左爐啦！都幾好啦我個樣！唔會睇到人地嘔既！！！最後一年就梗係買留夠本啦！所以我就買左５０＄啦，有４張！

唔去謝師宴，雖然有ｄ可惜，不過去左又唔開心，去來做乜呀！原來唔去都要俾６０＄喎！不過又冇帶＄，好彩呀麗賢幫我出住左先！ｔｈｘ！我會還番俾你既！

ｌｕｎｃｈ！呀渣希同我地一齊食呀！因為佢唔想對住呀「佛祖」我都明既！琴日佢咁鬼姣，俾咁多ｄ朱古力俾ｄ男仔，都唔俾粒我喎！認真夠哂賤格!唉！見到佢唔識個姣字點寫都即刻識寫呀！不過我先唔要佢個ｄ朱古力呀！都唔知會唔會有毒！！！！

ｌｕｎｃｈ之後就數學堂啦！我坐左最前面，勁驚呀ｓｉｒ會鬧我，因為我做緊其他野！不過都冇，其實佢都幾好人，不過我唔想聽佢講書咁解啫！舊例啦！又俾條「仆街」坐我個位！勁唔「鋸」！！！今日數學難得我扮聽書，哈哈！呀ｓｉｒ都唔知信唔信！！

咁就放學啦！係學校陪呀ｃｍａｎ留左一陣就走啦！

番到家中，我又食朱古力啦！好味道！