今日;

今日冇地方去呀!所以就留係家中啦!對住我老豆竟簡直想死啦!

唉!成日都俾佢講我唔溫書!激死我呀!

上左一陣網,上到夜晚,唉!又費時俾我老豆鬧啦!

所以就入左房睇書啦!今日我睇向達倫呀~快d睇埋個大結局先~!

睇下睇下又覺得勁累啦!想訓覺啦!不過為左睇埋個大結局就拿拿聲睇埋佢啦!

當我睇到個大結局啦!睇到我想喊呀,唔係,係喊左來呀 !真係唔敢相信個結局呀!

又慘又感人呀!我喊左15分鐘到啦!又自閉左15分鐘呀!好好睇呀!都差唔多追左兩年啦!本來係呀kiki介紹俾我既~睇下睇下又覺得好好睇呀!睇到來大結局,真係有一d唔捨得架!

如果係拍戲既話,我一定會睇架,仲買埋隻碟添!哈哈!

今日:

今日我老豆出左去,所以只係得我一個人咋!不過咁仲好!free d 添!

起身之後,食完野,玩左一陣電腦,玩玩下又覺得悶,所以就睇麗賢借俾我個d碟啦!

首先睇左「Mr.&Mrs Simth」既碟先!我一直都好想睇架!

不過開頭有一d悶啦!不過到左第二隻碟就好睇番d啦,勁正!佢地兩個一路打,我就一路笑!

佢地都幾襯既!

睇完之後又玩番電腦啦!

到左夜晚,電視冇野好睇,就睇哈爾啦!初頭對e隻碟冇乜intereting,不過睇下睇下又覺得幾好睇喎!而且個哈爾都幾靚仔添! 哈哈!個ending都幾好!^.^

琴日又收到幾封利是啦!哈哈!希望仲有啦!

今日:

因為琴晚玩到好夜,所以今日成11:30先起身,我表妹都係呀!今日我老豆去左親戚家中拜年,我又唔去!所以只得我同我個表妹一齊!不過都幾寫意呀!!!唔使對住我老豆!咁我就好滿足啦!!!!

跟住我就煮左個麵俾我表妹食!同整左d羅白糕來食啦!都幾好食啦~

跟住我地就玩呀給啦!我玩左一陣,就睇電視啦!佢自己繼續玩啦!睇完又玩過!

不過玩下玩下又覺幾肚餓,所以我就出左街買野食啦!哈哈!去到美心勁多人,勁少野食!都唔係一d好食既野!不過都好多人呀!我就迫於無奈買左個米線番來食!

食住野就做下d家務啦!做完又玩囉!

彈左一陣琴,就到7點幾啦!我地都諗住出去食,所以就去左大家樂啦!

不過竟然俾我撞到熟人,仲要係同班個兩條「粉腸」,赫到我「o」哂咀!又會咁都撞到架!激死!

唔知點解俾我睇到佢地之後!佢地就唔見左啦,都好既!費時面左左!哼!

食完野,行左一陣大眾,就送我表妹番去大埔啦!

唉!到而家為止,利是好似比舊年少左咁!仲冇乜新年氣氛咁!

今日:

約左我表妹同班fd去睇煙花,本來真係諗住會有一場好好睇既煙花表演,高高興興咁去睇!不過........一d好睇都冇! 我上到我個fd家中個陣,原來渣希開緊生日會,佢今日生日呀!不過都冇準備生日禮物俾佢添!仲收左人地幾封利是,搞到有d唔好意思!!!!

唉!今日都係俾「d」人「滾」左去山頂度睇,仲要山長水遠咁去睇!去左個陣仲要去迫買m記!買完m記之後,都諗住會有番一場好好睇既煙花!哼!點知係上到山頂呀!不過離煙花既距離十萬九千里啫~仲要座好似中銀既大廈借住左係中間!勁仆街~都唔止啦!仲有個d咁既樹葉借住哂!激死呀!總知去尖沙咀迫仲好過係度呀!浪費哂d$到山頂! 睇左5分鐘已經唔想睇啦~唉~都唔知上去做乜!我下次點都唔想出街有「佢」份呀! 有佢都係累事啫!!!!!

我下次去睇煙花,都係去尖沙咀好過啦!!!!唉!!!!好好失敗既睇煙花經歷~.~仲有,我第一次食m記係公園度食!~.~(無奈中...........)

跟住就好冇癮咁走啦!佢地話去尖沙咀度食野!不過我唔想對住個「累街坊」,加上我同我表妹都好累啦!所以都冇去到!!!番到來就買左d宵野食!同玩「呀給」!都好耐冇玩過啦,so玩到一點鐘到啦!好累!又眼訓 !

不過今日出街個陣!都有一幕好好笑! (詳情...............唔講啦)都係個句,有興趣問我啦~!

「睇佢寫得一手好字,原來佢係個偽君子!」我呸!!!!!!!!!!!

新年快樂呀~

今日係大年初一呀~希望同學們係新既一年成績進步,考上中6啦~

經濟可以恢復番!人人有$賺呀!!!!