今日;

今日我表妹來左,要我同佢去旺角,咁岩我都想去睇下d袋,所以我就陪佢去啦!

我著裙啦!我覺得好樣衰呀~ 希望冇人講我啦~呀敏佢都著左,不過我諗佢一定好過我啦!唉!!!

我地首先去左旺中先,不知係咪就來新年,勁多人呀~真係勁多!多到我地行唔到到呀~

呀敏佢就買左一件冷衫.一件衫,絲襪,同一條牛仔褲!我都買左件牛仔褲,都幾平啦!跟住我就食左冷麵,幾好食~~~

我地就行旺中新之城,呀敏佢睇中左筆袋,不過勁貴!不過like呀嘛,就買左啦!我都覺得幾好啦!佢話仲想買埋個錢包!不過都好貴呀!!!!唯有忍住手啦!!!

買完就梗係拿拿聲走啦~咁多人!唔死都好彩啦!!!

呀敏話諗住打邊爐,不過要等到8:30先有特價,係大家樂!唉~唯有陪佢等啦!!!!因為我地行個陣都仲係4點幾到咋!!!!

我話不如就去行「郎豪坊」啦~行左d運動店,唉~冇一隻袋係我岩既!!!不過我行另一間鋪睇中左一個袋,不過冇帶money,so,冇買到!唯有等新年之後啦~

睇完袋就去左無印度睇筆啦~我地都買左d筆!

跟住我地去左許留山食甜品,我食左個芒果西米,幾好食!呀敏叫左個「雪蛤膏xyz」既甜品~不過來到食左幾啖就話唔好食,食到佢想嘔! 哈哈!我都試左幾啖,都覺得嘛嘛地啫!!!!跟住佢先叫左個五花茶來中和番!!!!

食完許留山,覺得都冇野好行!就番去黃大仙啦!我地行首先行左「龍ｘ」行左先~入左個漫畫鋪度!我見到「情場x王」出左啦~番到去一定要借呀! 呀敏話想睇文具,所以我地去左文具鋪啦!我終於買左本memory book啦!都幾靚架!快d搵人寫先得啦!同理買左個筆袋!!!

行行下又冇野好行!就去左大家樂度坐啦!唉~坐坐下睇到人地係度等我地個位!我地都唔好意思!走左啦!

我地就去左黃中啦!行左一陣~到左8:00啦!就去大家樂度霸位啦!唉~又無端端俾人話我盯住佢啦!我都係好奇咁望下啫~盯唔順就冇鬼理我啦~正仆街!頂唔順就唔好學講野啦!又唔係真係「黑記」八婆!!!!!

等到食野啦!好好食呀!我買左兩包烏冬,偷偷咁運左入去食!講起烏冬,我買烏冬俾個咁野服務員鬧我!詳情...........唔講啦~我興趣問我啦!!!我真係想當堂捏死佢呀~ !!!激死我呀!!!

打完邊爐就番屋企啦!今日好飽又好累!番到屋企就沖完澡就睡覺啦!今日呀敏來過夜,明日先走!!!佢明日又去旺中啦~唔知會唔會好似今日咁迫呢!!!!

今日~

本來數學係要補課既,不過我有番同冇番都冇咩分別啦!我都唔聽佢講書既!

跟住,我就約左麗賢同麗婷去睇戲啦,睇夜晚個場啦,鬼叫佢就要番去補課咩~

我到左戲院,仲要等呀麗賢,唉~搞到差d趕唔到場戲呀! 跟住我地就間左粵語來睇~

買完野食,就入場啦!我睇左「職業特工隊」同「x」既預告!好似又勁好睇咁~係咁既話我就一定要睇啦~不過好似有排先上咁!!!!等等等.,.............

我覺得套戲都ok啦~不算太悶既,不過有d驚訝,好似好快就完咁樣!搞到我散場左都唔知發生咩事咁~.~不過最好個場都係打仗個場啦~睇到佢地大個左,番去本來個屋企個陣,我有d感慨咁! 我好like隻獅子呀~好型呀!又仁慈!對人好好呀!!!!!

睇完戲之後,我地行左一陣,睇到d手提,就心郁郁,又想買呀~ 我一定要買!跟住就同麗賢買左個甜品食!食完之後,我諗我有排都唔食朱古力啦!因為勁「漏」!!!!

行到大約8:30就番屋企啦!!!!

勁累~~~~

今日;

今日差唔多8堂都唔使上呀~因為頭個兩堂經濟,我就drop左,中文堂唔知古丁係咪去監考,冇上到堂~我地成班都作左反,攞個d紙「掉」來「掉」去!「掉」左足足兩堂,我都有份,見人地玩,我又點可以唔玩呢?勁好笑!今次既中文堂算係兩年來最happy架啦! 唔使對住古丁之餘,又可以作反!

跟住就英文堂啦,睇movie,所以又唔使上啦!差少少就睇哂架啦!唉~要番到去先睇到個大結局呀!

lunch我地就留係學校食,食左個杯麪啦,不過唔係咁飽!

數學堂~我都唔上既,有上=冇上一樣,唉~今日俾全班傳我同佢既事~我同佢坐埋一齊唔=我同佢有野呀~(無奈中..............)

跟住就放學啦~本來係同呀麗賢去睇film,不過原來收錯左「風」,今日冇得上,明日先有得上!雖然有d失望,食左m記!跟住我地都行左差唔多3個幾鐘到啦,因為我大把野睇!又要睇袋,又要睇phone.......套戲聽日先睇啦!

明日就放假啦~不過都係補數學~我諗住唔番!超~聽佢講廢話不如番屋企聽歌仲好啦~so,我聽日唔番~哈哈!

我要買袋呀!有好多野要買呀!新年加油啦~

今日;

今日英文堂,俾條「粉腸」「滚」左我英文堂唔使用書,原來要?好彩miss睇唔到我冇書啫!嘻嘻~

放學中史測試啦,都差唔多拖左成個月啦~而家測左反而soothe左!哈哈!不過都麻麻啦,都唔知會唔會合格呀!驚驚中!激死! 琴日明明較左個鬧鐘,但係唔知點解又會唔響喎,搞到我都冇起身溫到呀~不過好彩琴晚都溫左少少!如果唔係既話,今日都死左啦!今日測左我死死下,測到第二題我已經唔想測,想死多d啫~ 又係衰趕唔切啦~爭半題呀!不過都希望合格啦~

測到4:30,今日次真係4:30收卷喎~跟住就同CMAN,麗賢放學啦~

激死我!今日條「荗利」當我工人咁使個果人呀~我而家唔會再忍你架啦~個個同學都叫我唔好再同fd,不過你就當我工人咁使?死野呀~你有冇俾$我呀~正「荗利」!

搭小巴番到樓下,醒起我要買賀年糖果,不過我已經好累啦!(因為個中史test囉)~仲要我去買野?

不過都買左!希望好食啦!,不過d朱古力都唔知會唔會食死人呀~死人老板「坤」左我15$去買個d朱古力~番到來,食左一粒!「嘩~實在....................太好「食」啦!」好食到我唔「捨得再食」呀~

唉~今日屋企打麻雀,,我本來係想sleep,又嘈到我訓唔著,唯有做我一直都做既事~就係....上網啦~(無奈中.....)

又就來到新年假啦!哈哈!快快出糧啦~我有好多野要買呀!!!!!

今日~

比平日早左起身,又勁肚餓喎~所以唔等老豆煮,我就買左m記來食啦~好好食~因為勁耐冇食過啦~

琴晚,睇左向達倫既4分之1到啦~有排,不過都好好睇~睇完之後就溫中史啦!略略咁睇左一半到啦~仲有一半未溫,今晚我一定耍加油啦~

今日上網先知原來「魔法王國」上左影啦,我仲以為係23號先上,不過都好啦~我一定要去睇既!!!睇d影評好似好好睇咁!!

我終於將d相過左膠啦~好好好靚呀! 好彩有呀kiki幫我編啫!thx呀!.!

星期六.日我都冇出街,鬼咩!要溫中史,不過我唔會氣餒既!!!哈哈!