今日，

去左旺角度配左眼鏡，我原來有左５０同７５度散光呀！嘩！好彩我去配啫，唉！不過就俾呀欣佢地笑到我面黃！！！唔好再笑啦！不過都幾低，２００＄到！

跟住我地去左西九度，佢地話去食壽司，唉！不過我而家減緊肥呀，唔可以食呀！！我就自己一個去左西九龍度買野，行左一陣間，就番去啦！

去左黃大仙中心度，我買左盒黑頭貼，都唔知我係咪買錯左，自從用左洗面啫哩之後，就多左ｄ黑頭，以後都係唔好用啦！

今日睇岩左對ｃｏｎｖ，等左第日去買先！！！！

今日;

古丁又要我地補課啦!唉!仲要有成10日呀,不過咁都好既,咁我都可以考好d中文呀,睇來我只可以靠中文啦!希望都攞到個c啦!

好好好辛苦咁挨左差唔多3個幾鐘,又test,琴日個份我個合格,yeah,不過今日個份卷就好似唔係咁識啦!有一d唔識,希望唔會俾個古丁串我啦!

跟住我地就去左一九龍城度食野啦,去左一間「坤」水既茶餐廳度食野,唔好食,d奶茶仲「鞋」過我條俐!仲要俾成23$,正一「黑店」來架!!!!!

食完野就去左九龍城廣場度行下,好想買隻香賓杯呀!下次去買先!!!!

跟住就搭車番屋企啦!

明日仲要補課!!!!!努力!!!!

今日:

我呀媽好奇蹟咁同左我去飲茶,不過要我去等位先 ,所以我就去左嘉年華度飲啦,等左一陣到啦!咁就有位啦!

去左就梗係要食我最like既燒賣啦!唉!今日食左好多肉呀,唉!又肥番啦! 不過冇計啦!咁耐先去飲一次茶......

跟住就去左kiki度整個d相啦!終於有得睇啦,影得麻麻地!!! 我個樣更加唔使講!

去左佢度一陣間到啦,咁去左我家中al,因為我又唔記得帶lve份表,佢又要上來我家中試野。

搞埋d濕碎野,我地就去左萬寧度買野,買左好耐呀,因為有9折呀!我買左兩支洗面啫哩,kiki都買左兩支」買完咁岩我老豆吹我番家,咁就拿氧聲番家啦!

今日食左好多野呀,唔制呀!

就來會考啦!仲有一個月.......死期到!!!!!

今日,

真係真係我地最後一個既番學日子啦!大家都攞左自己既衫同畢業相來俾大家簽名,我亦都唔例外!

今日,其實都冇乜上過堂,世數堂都係,大家都係度影相同簽名,呀sir都理我地,哈哈!大家都搵呀sir簽名,搞到呀sir成個大明星咁!不過今日個個都係大明星呀!嘻嘻!

過下過下又到左lunch啦!落勁大雨啦!唔知係咪上天見到我地離別既心情,都為我地而落下淚雨呢?

不過都無阻我地一齊食lunch既決心,大家都去左大江戶度食野,係細細既房間裡都洋溢著笑聲,我知道日後可能冇乜機會再好似咁樣啦!

放學,我留左係學校度影相,影到冇哂d容量,哈哈!

我第二次彈到學校部琴呀,係禮堂個部呀!好好feel呀, 不過彈都唔夠5分鐘,個校工就話要鎖門啦!唉~我都仲未彈夠本,咁就走左啦!不過我第日都會買番部鋼琴既!

「係李求思雖然冇特別值得留念既回憶,不過識到自己既朋友,都不失為一個好既經歷!」

今日:

又係時侯報告我d「中年業績報告」啦!今日,都總算不過不失,因為中文竟然合格,我初初一定覺得唔合格,不過竟然有我份,不過咁又點呀,因為某d事既緣故......合格又點呀!

地理雖然合格,不過個個都合格都高分過我,又咩用呀!

英文都算掂啦!4份卷裡面都有3份合格,所以我應該「湯雞還神」啦!都係死係G.E手上.....激死我啦!

明日仲有中史,世史同宗教,世史我一定肥梗!!!!!希望中史同宗教都有番d好成績啦!中文卷一仲未派呀!

數數下又到數學啦!~哈哈!今次MC竟然有20個岩,不過長問答就......哈哈!不過都預左!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

「有d野過左咪算囉,又何必緊緊於懷呢!」