今日,我地影班相同級相,本來仲以為係放之後去既,不過上下數學堂就要落去啦~咁仲好!唔使再上多半個鐘數學堂!好野~~~~

跟住我地就落到去啦~等d中7影完就到我地!

我地班女仔都入哂去洗手間度整個頭,我都唔例外,哈哈~最後一年,梗係要靚d啦~嘻嘻~

要除冷衫呀,我自問身才唔好呀!仲要被人睇到? 個個人都好似唔想除咁,我都係啦~

不過最後都要除,跟住等埋其他班影埋就影啦,影到好累呀,又要執位,又要企,仲要係咁笑,個d攝影師好似好專業咁,我諗出來既效果都會好好既!!!

我地都影左幾張,希望出來個後果唔會咁差啦~

如果買既話我一定要買哂d班同級相去啫~

影左都差唔多一個鐘呀,4點幾先放,希望快d見到d相啦~

跟住就放學啦~!!!!

今日,番學啦~都放左成五日假,哈哈!

不過今日都唔願起身呀~皆因我琴晚成點2幾先訓呀! 但係我今日都起到身啦!勉強!!!!!!!!!!!

一番到去就早會啦!又要企,成日都企,仲要聽「笑」唱歌!唉~又一件人間悲劇啦~

今日我地個班都幾多人遲到,有一d就冇番!!!!!!!!!!!!!

中史d成績唔係咁好,僅僅合格,唯有下次努力d啦~ 嘉欣就傷心到死咁,唉~今次唔得咪下囉!係咪~?

跟住就世史test啦~本來係帶左番屋企溫,不過竟然唔記得左? 不過好彩都有個數學堂可以溫下啫!!!!唔識就唯有靠「隔離」個位啦~

落堂囉!!!!!

因為呀嘉欣要我幫佢做一d野,所以遲左番家啦~

遲左就索性去左借書同買d野食就番家中啦~

番到屋企就食埋飯,就去跳舞啦,還番d野俾琪琪~~~~

今晚有得彈琴啦~好開心呀!

今日冇野做呀,起身就玩下電腦,玩完之後,覺得悶悶地就攞左麗賢借俾我既碟來睇!!!

我一路睇隻碟,一路笑呀,笑到我死 !!!!

之後又玩番電腦啦,無聊中.....

等我今晚睇下d書先,都好耐冇睇啦~.....

今日,去左m.k度唱k lunch,因為都冇乜人去唱,所以我地唱多左一個多鐘頭,唱到我地厭呀!

跟住唱到3點啦,我地就去到旺中啦,因為呀琪琪件衫有問題,所以就攞左去換啦~而我就買左對靴,都ok啦!下次著出街先!

買完之後,就拿拿聲去紅磡啦,我地本來諗住去目的地度落既,不過又衰搭錯左車囉,搞到係黃埔花園度落~.~

不過我地都諗住係黃埔花園度行下先,我地行完琴行之後,就去左運動家度行,d野勁平,等我下次去買番對鞋先!

行完黃埔花園之後,就直去我地本來既目的地啦,我同琪琪買完野之後,就快d番屋企啦!因為又係老豆急call囉!

今日都ok啦,有得唱k,又買左對靴!都算唔錯啦^.^

放左幾日假啦!又係時候番學校啦!

今日勁凍,凍到我唔想起身呀~不過今日學校開放日,點都要去一次既,所以我地約左12點就到啦~

去到都同前年冇咩分別呀,都係有一d灘位games囉,我本來冇諗住玩,不過一場來到,冇埋由唔玩架,所以人地都幫我攞左一張遊戲fa,一齊玩,跟住我同麗賢,麗婷,同呀紫一齊玩,都玩左一個鐘頭到啦,都有十幾個印仔!見到人地畫個d素描咁好,搞到我又想學添 ,但係我又學唔到呀!不過我都希望有一日可以學到啦,仲要好勁個隻呀! 哈哈!

跟住因為我約左琪琪去旺角,所以過左差唔多兩個鐘到啦,我就要走啦~我想玩多一陣,不過又唔得呀!唉~諗番起我得個十幾個印仔,抽獎要35個,唉~有排 ,走左都好既!聽日又唔知去唔去啦,聽日咁凍,煩惱中 .........

到左2:40分到,就見到琪琪啦,本來約左2:00,不過.............我落錯左車呀>.<

跟住我地就睇下衫,行下街啦,我首先行左花園街先,本來都睇中左一條裙,不過原來冇得換既,買唔岩既話咪蝕左?所以我地都冇買到呀~

跟住我都買左兩件衫,買左衫之後就去旺中啦,不過都已經好累啦,不過為左買野,都值得既 !!!!

去左旺中之後,琪琪就買左一件衫啦,而我都睇中左一條裙,最後都買左啦,唔知著得好唔好呢!希望唔會俾人睇到作嘔啦~

之後就食左冷麵,都好好食呀!下次再試下先!!!!

行行下就8:00啦,老豆急call,所以就拿拿聲番去啦,緊係!!!!

跟住我地行行下,就見到架一號車,我地就唔理三七二十一就拿拿聲去追bus,好耐都冇跑過,跑到我死下死下呀!

上到車都就數下d戰勝品啦,今日既收穫都唔錯,差d唔記得左我仲買左個銀包添,都ok啦!

番到家中食飯,沖澡,睇埋個「情陷」大結局,試下d衫,都件件岩著 ,嘻嘻!

今日都過得唔錯,唉~仲未知明日番唔番好呀~