今日,

終於派左相啦!真係等到頸都長埋,睇到我個樣,真係好想笑呀!因為.........真係好好笑呀!唔知俾唔俾人簽個名好呢!

都唔知學校做咩事?對卷要對成一個星期,不如俾我訓覺啦!

唉!今日派卷,中文雖然仲未派,不過個死古丁已經出左「殺手間」係咁叫我地做個份卷既6條問題,佢都傻既,都唔知佢個腦係咪俾d「煙」塞到有一d問題,都考左啦!仲做野呀!佢話全班得個8個人合格,俾佢改呀!合格都唔正常啦!順帶一提,我個份中文卷一,一定唔合格,皆因俾呀古丁當堂講我個份卷!

中文之後就英文啦!雖然都有兩份卷合格,不過個個合格同都高分過我,唉!合格有得用咩!好好好好好好好唔滿意我既成績呀! 會考都唔知點呀!

地理就仲未派,不過唔派都知我咩成績,俾個咁既死人「地理安」教呀!合格呀?叫佢去死啦!都唔知學校why要收埋d咁既「爛坦」去教書架!簡直攞「屎」來身呀!

唉!今日總括來講,唔掂!冇眼睇!!!!!!!

仲有好多科未派!!!!!每一日都係我既死期!!

今日:

冇野做,咁岩家中又打麻雀,嘈鬼住哂!搞到我冇覺好訓!! 咁岩琪琪家中又停電,所以我地就約左出來一齊睇戲啦!真係同病相憐啦!

我地約好左去睇「極地雪犬」,不過其實我都好想睇「妖夜尋狼」,皆因夠哂刺激, 不過呀琪琪又唔想睇,搞到我就只有陪佢一齊睇啦!

食埋lunch,我地去左「優之良品」度買左d野食,就拿拿聲去睇戲啦!我地都差d就遲到啦!入到去,上面個d位都滿哂!

睇左差唔多兩個鐘到啦!都ok好睇,有一幕嚇到我差d當場暴斃,真係心血少d都唔得! 想知?自己去睇啦!

睇完,我就去左呀琪琪家中啦!咁岩佢家中又有電啦!因為我家中仲打緊麻雀,所以我唯有又唔好意思咁係個度食完飯先走啦!

番到家中,幫老豆洗埋d野,沖埋個涼,就開電腦啦!玩左一陣,好眼訓, 又關左電腦,訓覺啦!

星期一就死期到啦!

今日;

係考完mock既日子,當然要好好賀下佢,所以我今日就問麗賢借左隻碟來睇!

今日考宗教,如無意外都會死左架啦!琴日考西史,本來以為會合格,誰知殺出個程咬金,答錯左,所以宣佈死亡!

中文,最令我驚心動魄既一科,因為會隨時俾d煙焗死我!

英文,都希望代代平安啦!不過機會率係-20到啦!

數學,識我個d都知我當e科冇道架啦!

其他個d,就聽天由命啦!「閻王要我三更死,不能留「分」到五更」

番埋下個禮拜,就要告別校園啦!雖然係e間學校既回憶唔多,(好回憶都唔多啦!),不過唔多唔少都有點兒不捨湧上心頭來!好朋友更加唔使講!

希望會考成功啦!

會考來臨既日子,就是學校木棉樹開花既季節!

今日

考mock既第二日,係考英文既日子,就係paper 1同listening,不過考完paper 1 個陣,我好驚我會作錯左題目,如果係係既話,我死十次都唔夠死呀!

跟住就listening啦!都好易,不過有一d聽唔到,而且letter個度都唔知會點,好似寫錯哂d野咁!

希望都合格啦!如果唔合格,我就真係要跳樓啦!

琴日就考左中文,不過唔夠time,希望唔係影響咁大啦!都唔知個死古丁會唔會扣我分呀!

聽日就考數學啦!所以今日就竟然奇蹟咁去左補課同做數,不過..........唉!都係唔識啦!

補到成5點鐘,放學就拿拿聲番家啦!