終於去左簿扶林啦~

今日都要晨咁早起身,頂唔順~仲諗住打多份工~賺多d錢~

不過都冇乜可能啦!日日番到去,就真係正如呀sir話,日日番學當番工,成個上午都冇得坐~

我仲要做接待個位,勁悶~就係要等d人來,仲要著住對高跟鞋~勁「正」~

不過如果而家挨到既話,就表示我將來都挨到啦~所以我一定要努力~

賺多d錢!哈哈!

10號又出糧啦~出都唔夠用,仲想話草多d錢~

第日搵過份多d既啦~

咁快就一個月啦~

過幾日就去薄扶林啦~唉!天氣又涷,晨咁早就要起身,真係唔知到時咁算~

星期六,日都要番工,唉!仲想我去薄扶林個陣番埋工,鐵人都死啦~不過如果到時搵到份工,係一至五番既話,我都會做~一個星期都做晒~

屋企仲有個老豆俾我養,唔努力d鎌錢都唔得~

下個月情人節,送唔送俾佢好呢~我又驚佢唔要喎!真係好煩呀!

可能我真係變左啦~不過我會改下啦~我唔會惱既!有時真係好想捉住佢來打,死人頭~

唉!出左糧,一半糧都會俾我老豆,又要等十號就出糧啦~出得個900幾蚊~

要慢慢先儲到錢啦~而家要慳d先得~

諗住讀埋e個課程就出去做野啦~要快d出去賺錢先得~

今日:

去左「山卡啦」都冇咁遠既大欖涌,真係勁遠~又要搭巴士,又要搭地鐵,而且又要坐番小巴番來~

真係死得咁濟~搞到我個頭鬼咁痛,工都冇得番~又賺少左一日錢啦~

番到來又死死下,即刻食左粒藥,都好番d~

不過都幾好玩~因為真係有火被我地救,而且又有爆炸場面俾我地睇~o晒咀~哈哈!

冇上次咁悶啦~今日都有d唔開心既野發生,無謂提啦~

唉!又係個句,真係好睇唔起佢~都唔知係咪男人來架~

簡直女人都不如~

不過都有d開心野,就係呀kiki買左d朱古力俾我,真係有我心~感動中......

好想食呀!不過未攞呀!

今日,係我地第一次考試既日子~好easy啫,不過我都錯左兩條,哈哈!

今日都幾好玩,因為有得飲茶,真係幾好飲,搞到我都好想買來飲下....

呀sir仲俾左兩包茶俾我添~

我而家真係好鬼死惱佢,佢都唔知係咪男人來架,大家都讀左同一個課程,

仲係度避開我咁~雖然會俾d無聊人講閒話啫~我係女仔都唔介意啦~

佢竟然仲驚過我喎~我真係o左咀~激到我死死下~

讀完e個課程,就拿拿聲出來搵錢啦~家中仲有個老豆我養,又要俾錢鄉下既家人~

想死了........

開左學啦~今次讀既係f&b。

可能會辛苦好多~今日我學托盤,一次過托三枝酒~

隻手痛到死~不過好彩都冇出醜,打爛野~有d手震震咁~

不過都幾好玩~仲學左摺餐巾......仲有好多野學~

遲d可能仲辛苦,不過希望自己得啦~

遲d仲要過到簿扶林度~一日都唔知用左幾多車費,不過為左張cert,點都要挨埋佢~

仲有排挨~好快又到新年啦~又係一年一度出糧既日子~哈哈

讀完e個唔知讀唔讀fo好~煩惱中......

今日大家都去左housekeeping度,好懷念呀!好想讀番添~

算啦~有時d野可一不可再~就好似「某人」咁~