我唔生呀!我唔生呀!我唔生呀!

好痛呀,點解咁痛架!

唔生啦~點解一定要生呀!做咩一生出來就要生喎~

有冇搞錯呀!我唔生啦!仲以為生左係踏出人生既重階段,

點知咁架喎~

點解?點解?我要生..........智慧牙喎~

今天,

欲離去，嘆奈何，

為銀兩，撐下去，

為父母，忍下去，

快快做，快快走∼

今日:

係我係個果精品店做野既第4日,同一樣既命運-----「俾人鬧」,

我好似日日都俾人話咁,我自問我好努力咁做野,無愧於天地,更加對得住我老豆老母~

不過d死人頭,好似唔話下你都唔心息咁,

我真係仆佢個街呀~擺錯左d野,就俾佢話一餐死~

大佬,冇人係完美架~何況我係度做左幾耐野呀!~

佢冇腦子架!冇腦袋就去醫院度照照佢啦~

頂佢個肺呀!我又唔係同佢有咩十怨九仇,又何必「苦苦相迫」呢~

唯有做埋e個月,就拿拿聲走佬啦~

今日:

係番工既第5日,不過老闆就轉左我去另一間分店度做野~

我真係好唔想咁,因為好唔容易先同D人打好晒D關係,而家又去另外一間做~

不過算數啦~

點知D人呢真係好到「+零一」,分別是:

個呀頭呢?就興玩排斥,D細既呢?就興玩COOL啦,扮晒野咁鬧我啦,唔理我啦~

真係乜都有,點解會有D咁既人,不過我第一眼睇落去就知乜人,

「頭尖額窄」正一「冇埋貴格」~

個細既仲衰~有冇磅過自己幾兩重呀~係度話我!

大家自己人,都係出來搵餐晏仔食下....使唔使做到咁絕呀~!

我真係*-+/!@#$%^&*~佢呀~

我真係想同老闆講,我想調呀!~

今日:

係我番工既第一日,也是我人生第一日番工~

今日番到去,原來連門都未開~唯有等下啦~

跟住見到人開門,就啦啦聲入去啦~

原來都好多人做係個度,唉!人生路不熟,唯有入到去睇下d野,執下d野~

想主動d識下d人,不過又驚~

不過好彩都迫自己識左幾個人~

個度d人都幾好,都幾肯教我野,我都學到幾多野~

要企成十個幾鐘,真係想死,可能係我做唔慣啦~

不過都要頂落去,因為...為左出糧~~~正!!!!!!

好唔容易先頂到十個幾鐘~成隻腳都勁痛,行唔到路~

不過我都會橕下去既~~~