今日:

ringo sir佢又介紹左一份工俾我,叫我星期一去見恆豐酒店,

另外,呀盧sir佢又介紹左另一間中菜廳俾我做,叫我自己打過去!

佢話英文唔使要好好,咁都好d,都有8000$一個月~

ringo sir佢又話我做唔來,其實我都有d驚驚地~

到左晚上,我諗緊打唔打過去中菜廳度約time好~諗左差唔多一個鐘~

望住個手提,真係覺得自己有d傻傻地!到左最後,我都係打左過去,

原來係「東海海鮮酒家」咪即係酒樓!約左星期3去見~而家見兩份啦~

睇左邊份會請我!下個星期2都畢業啦!一來有d驚,二來都為可以擺脫學校既朋友而

開心~終於唔使見到佢地啦~哈哈!

唉!「學校」e個字,我覺離我越來越遠啦~

一來我就來畢業,二來對住學校「所謂既朋友」,跟本一d都唔開心~

有時覺得不如做人世間既一點塵,起碼隨風而走,隨風而飄!唔使對住人與人之間既關係~

係度我學到一時你真心去對一個人,人地未必會真心對番你~

可能係自己蠢~太顧人地既感受,人地到頭來咪又係唔尊重咁對番你~

我知道個個人既性格都唔同,所以我都好「就住」咁去對人,不過人地呢?哈哈!

突然覺得自己好似唔係好重要咁!係呀!人---本來就係咁渺小~少左我一個無關痛癢既人,

跟本一d都唔值得可惜!仲想叫我讀埋落去?我寧願唔要張大cert,寧願出來做野俾人鬧,都總過對住你地~

如果唔係我會自殺都唔定~而且冇人「佢」,再讀落去都冇乜意思!

人---總係咁現實~

「大難臨頭各自飛,桃樹倒下群猴散~」真係應景~

讀左e個課程,我都見識到唔少啦~哈!

今日:

去左見工,係尖沙咀既「君怡酒店」,其實我聽都未聽過E間酒店既名~

不過呀SIR介紹我地去咪去囉~

著左成套西裝去,勁樣衰~~~~~

跟住搭1A去尖沙咀啦~我諗全酒店3星級到,因為真係好「掂」下....

跟住填FORM都填左半個鍾到!跟住又要見人事部經理,之番又要見餐廳經理~

問我英文,我真係口窒窒咁!死得~又見到成2個鐘到!

仲話會同我地見第二次而試,另一個餐廳經理,唉!算啦~

就算請都唔知做唔做啦~因為有時要番5:30,有時又要收1點~我想做都冇車搭啦~

唉!我預左佢唔請我啦~

可能仲要第二次面試,都唔知見唔見好~

之後去左食M記~番來個陣,有個廣州人問我「中港碼頭」係邊?我講左係尖沙咀碼頭附近~

其實我唔知岩唔岩!之後佢俾左張卡片俾我~我睇真D,原來係唔知邊間既國際公司既董事,

來頭咁勁~如果我點錯左路,我真係勁樣衰~

仲有半個月就畢業啦~對於學校既人同事,我都冇感覺啦~

今日:

例牌,又俾呀sir插,我覺得自己好似做d乜都被人插,今日以為會做得好地地~

點知都係被人被插左~做乜都死~

開始唔知自己做乜,一個字:「慘!」

我都開始想唔讀,不過又唔可以,因為唔可以氣餒,同自己講:「挨到就得,出到去做野仲慘!」

不過我今日聽到有個客讚我地d態度幾好,服務又好!都有d成功感!感動中....

又開始轉季啦,想出去買衫,不過冇time,又冇money~

好想出去搵過份工呀!而家d份工,真係太高人工啦~

快d唔做就好,自己都要努力去搵工,唉!不過唔知呀sir知都唔知肯唔肯介紹我去做野!=.=