今日,

真係真係我地最後一個既番學日子啦!大家都攞左自己既衫同畢業相來俾大家簽名,我亦都唔例外!

今日,其實都冇乜上過堂,世數堂都係,大家都係度影相同簽名,呀sir都理我地,哈哈!大家都搵呀sir簽名,搞到呀sir成個大明星咁!不過今日個個都係大明星呀!嘻嘻!

過下過下又到左lunch啦!落勁大雨啦!唔知係咪上天見到我地離別既心情,都為我地而落下淚雨呢?

不過都無阻我地一齊食lunch既決心,大家都去左大江戶度食野,係細細既房間裡都洋溢著笑聲,我知道日後可能冇乜機會再好似咁樣啦!

放學,我留左係學校度影相,影到冇哂d容量,哈哈!

我第二次彈到學校部琴呀,係禮堂個部呀!好好feel呀, 不過彈都唔夠5分鐘,個校工就話要鎖門啦!唉~我都仲未彈夠本,咁就走左啦!不過我第日都會買番部鋼琴既!

「係李求思雖然冇特別值得留念既回憶,不過識到自己既朋友,都不失為一個好既經歷!」