上年年尾開始報讀香港公開大學的一人一大學課程, 因為覺得唔錯, 所以決定由3月份開始, 將每個星期唯一一天的假期(星期二)作為全日進修日, 放棄星期六或日的休假之外, 還用星期四的晚上報讀多一科, 我上個月一早已經報了名, 共三科. 而星期二的晚上便會重新報讀港大韓文入門, 雖然我的韓文程度未至於差到咁! 但我只懂韓文單字和發音, 文法是完全唔掂! 所以決定由頭讀過. 而逢星期六晚的防衛術初班, 自問學習進度一般, 所以決定再報讀多一次.

 

        但正當我和同事講起將會去報讀新一季韓文班和防衛術班的時候, 她們叫我死心, 原來我工作的兒童病房將會變成產房!? 係因為我有三個姑娘同事, 同時在差不多的時間懷孕, 準備要生BB, 其實是一件值得慶賀的事, 但可能她們工作壓力實在太大, 她們都有作小產的情況出現, 實在令我們擔心之餘, 也要有心理準備她們要經常請病假.

       早前我也提過, 4位同事因各種病而入院, 當時已經嚴重缺乏人手, 她們剛剛好翻, 現在又輪到姑娘生BB, 新年的連續兩個星期, 我要日日當夜班, 媽媽已經 '鬼咬咁聲', 話我的更期點解 '越返越衰'? 新年都要日日返工? 唉! 我都唔知點答佢好! 

        因為傷兵和大肚同事加起來實在太多, 所以要我幫手頂更, 姑娘們一直都對我不錯, 這是我報答她們的時候了. 但我的讀書計劃可能有大改變, 星期二的假期都或者可以比到我, 但要求星期四和星期六都要返早, 或者未必可以, 어쩌라고 ?

                                                                                                                        婉