12萬「掩口費」比嗰件大陸 '旅霸 ', 簡直係不知所謂, 離曬譜呀! 開頭係威係勢展示傷痕, 聲淚俱下要法律追究,  點知道第二日就收曬火死狗咁話咩事都無, 原來私底下搞掂佐! 為了息事寧人, 友佳旅行社比個 '旅霸' 兇完之後, 就用錢塞住佢把死人口, 這樣已經妨礙佐司法公正, 香港咩法治精神都無曬啦！

        有d大陸人一直都認為靠惡就得! 現在開了先例, 之後如何是好? 我懷疑喱個旅霸可能話自己大陸有後台, 同旅行社 '響朵' 之後, 니까짓게 唔比錢佢咩? 我十一年前開始做領隊和導遊的時候, 都知道香港人係頂唔順喱d大陸旅客(包括我), 所以旅行社才請新移民做導遊, 但大陸嗰邊就以為喱班只懂找錢的導遊是香港人, 中央電視台之懂講香港導遊點衰, 但又唔講清楚其實唔關我們大部份香港人事, 我們就食佐隻大死貓.

       領隊導遊證考得咁辛苦我都唔續牌, 就係因為旅遊業議會咁多年來一直只懂收錢, 完全保障唔到我們香港領隊和導遊的安全和收入, 所以我去夠我想去的地方就唔再做.

       客人質素越來越差, 人工少又不穩定, 而且無理投訴又多, 帶團出國天未光要起床, 食又唔多好, 有一些當地衰格導遊, 會屈團友買嘢! 新入行的領隊返港後會被投訴, 還可能要停團, 公司唔會理你生死, 明明自己無錯都要食喱隻死貓, 喱行d黑暗嘢最近才有人公開, 其實我一早就知道, 所以意興闌珊, 沒有再留戀這一行.

       點解Masa在馬尼拉出事我咁傷心和替他不值, 除了是領隊的辛酸不為外人所知道之外, 就是因為這份工作大多數只帶比我們上面不快的經歷, 還好的是我當時主要是帶香港人去大陸旅遊, 所以練到比香港人好得多的國語會話口音, 如果我做嗰兩間東南亞自認最Top的公司, 學泰文和菲律賓話有鬼用咩!

                                                                                                                                                                                                                              婉