劇本：BY Elo

男女平等！？

人物：女：Ａ，Ｂ，Ｃ，Ｄ
　　　男：甲，乙，丙．丁

時間：某年某月某日

地點：某茶餐廳

一名貌似失戀的女孩Ａ走進一間茶餐廳，步向一群女生．．．

Ｂ（看見Ａ很傷心的樣子）：Ａ，你冇事丫嗎？
Ａ（大哭起來）：嗚哇哇∼∼我失戀啦．．
Ｂ：唔好為左Ｄ衰男人搞到自己咁傷心啦！
Ｃ：係ｌｕ！！佢地講黎講去得把口！講Ｄ野根本就冇Ｄ建設性！
Ｄ：冇錯！佢地成日做野唔經大腦，都唔知係咪冇腦架！
Ｃ：我之前同我個男朋友去街，食野比錢個陣又話唔記得帶銀包喎！搭車個陣，我明明見住佢拎個銀包出黎ｄｏ八達通架嘛！
Ｂ：我個個話就話有成１０張卡，不過張張都爆．．
Ｄ：唉∼總之Ｄ男人個個冇好野啦！！

這群女生對面正坐著４位聽得額露青筋的男生．．．

甲（刻意大聲地說）：唉∼∼而家Ｄ女仔個個都貪慕虛榮呀！！
乙（附和著）：唔唔！！個個女仔都係貪錢架！為左錢可以放棄一切，有錢個時就千衣百順，冇錢就即刻飛人！
甲：成日買衫又要男人幫佢找數！咩都要男人比錢！！
丙：Ｄ女仔洗咁多錢扮靚，但又唔係真係靚喎！！

那群女孩聽得更加火大，開始跟男生們對罵．．．

Ｂ：揀女仔淨識睇樣同身材，膚淺！
丙：唔比男朋友睇靚女，自己又迷戀男明星！
Ｃ：世界俊男多，但係香港就少到冇人有！
甲：唉∼而家Ｄ女仔成日用自己男朋友同人地比較！！真係煩呀！！
Ｄ：成日怨天怨地，又唔識ｕｐｇｒａｄｅ下自己！女仔叻又唔識欣賞同學習，冇Ｄ長進！
乙：而家Ｄ女仔成個電腦白癡咁，除左上網咩都唔識！自己咩都唔識，但又要男朋友咩都識！
丙：佢地識好多野！娛樂新聞滔滔不絕，時事經濟就冇樣識！！
Ｃ：邊個話我地唔識架！Ｄ男仔自己學歷低，冇料又唔識收聲！呀！！好煩呀！！
丙：係咁架啦∼ｄ女仔以為自己做既野永遠係岩，有咩都係個男朋友錯！
甲：唉∼成日以為自己咩都大哂，又成日發老脾喎！
Ｄ：Ｄ男仔成日多多要求，少少付出，做下義工先啦！！
Ｂ（大聲）：唉∼而家Ｄ男仔特別小器，又冇風度！！
甲（加強語氣）：而家Ｄ女仔，對自己有利就話男女平等，唔係就係度講風度！

突然，一位男生丁推門而進．．．他步向Ａ．．．

丁：對唔住呀！我唔應該因為Ｄ小事就對你咁惡架！我應承你唔會有下次啦！！
Ａ：真既？
丁：嗯！我應承你∼

丁拖著Ａ的手走出茶餐廳，Ａ向朋友揮手再見．．．

Ｂ，Ｃ，Ｄ，甲，乙，丙（看得目瞪口呆）：下！？咁就走架啦？

－ＥＮＤ－

劇本：By Josh
男女平等！？
劇種：
喜劇

時間：
情人節晚上
地點：
酒吧

角色：
Josh    演雙性取向的男朋友
Kevin  演基佬女朋友
星星   演姊妹甲
洪丸   演姊妹乙
呀皮   演兄弟甲
馬子   演兄弟乙
麥子   演兄弟丙
Lucy    演酒客
娟娟   演老闆娘
呀貞   演新女朋友

流程：
情人節晚上，Kevin去左酒吧同姊妹們飲酒。Josh諗住打電話同Kevin分手，再帶新女朋比兄弟認識。
開場前，Josh向觀眾解釋本劇有男女反串，還向觀眾介紹各個角色。
開場時，Josh在幕後用咪扮講電話對Kevin說分手，Kevin好震驚，與在場姊妹哭訴，酒客偷聽到，
同老闆娘談論，兄弟們之後又細訴女人的缺點。
最後Josh和新女朋友出場，Kevin見狀十分憤怒，打了Josh一巴，打完之後落幕，Kevin唱Fiona的886，
部分演員伴舞。

劇本內容：

男朋友：(在幕後扮講電話)(有歉意)Kevin呀，我有d野想同你講呀，其實前排我同在第二個女仔一
                  齊呀，不如我地分手啦，咁樣對你對我都好呀，對唔住呀。
SpotLight射住女朋友和姊妹們
女朋友：(扮拎住電話)(驚訝)下!?
                  (哭泣3秒)
                  (聲線模糊)點解呀?點解呀?點解佢要同我分手呀?唔通我真係對佢咁差咩?
                  (稍為憤怒)定係佢嫌我係男人，無身材呀?我除左無波之外，有咩及唔上女人呀?
姊妹甲：(拍一下Kevin的膊頭)(稍為憤怒)傻豬豬黎既，D衰男人唔要都罷啦，淨係識睇身材，波大
                  無腦都要架啦佢地!
姊妹乙：又唔低既，男人會睇身材，我地都會睇下人地有無錢啦，咁樣都叫做男女平等既。不過
                 佢地做野真係唔經大腦既!
女朋友：(在旁啜泣)
姊妹們：(對住Kevin，拍他膊頭一下)唔好再喊啦!
女朋友：(睇開左既語氣)佢都唔識欣賞我既內在美既，哼，我要再溝過另一個男仔，(望一望兩住
                  姊妹)姊妹們我地聽晚一齊出去搵食!
姊妹們：今晚我地飲個不醉無歸。
SpotLight轉去射住老闆娘同女酒客
女酒客：(手斯斯縮縮咁指住Kevin)嘩，老闆娘，我聽到個邊有個基佬比人飛左呀!
老闆娘：咁恐怖?依家個社會真係開放好多，以前得d男仔追女仔架ja，女仔想追下人都唔得呀!
女酒客：緊係啦，社會而家講男女平等架嘛，男追女又得，女追男又得，連男追男，女追女都
                  得架啦!
老闆娘：話就話男女平等姐，不過我有時都係有好處先講男女平等，無好處個陣緊係話要男人有
                  風度啦，咁先係醒目女架嘛!
女酒客：(不滿)都唔明點解我地咁醒，但係d男仔就又無主見又無上進心。但係乜野大公司老闆都
                  係男人喎，男女都唔公平既!
SpotLight轉移射向兄弟們，麥靜儒偷偷走去個校琴度ready
兄弟乙：(不滿)約左Josh咁鬼死耐都未黎架!頂佢!
兄弟丙：係囉，又話帶新女朋友比我地認識下!
兄弟甲：(不滿)喂，條死仔打左比我話七點到架喎，而家成七點半啦喎，仲未到!有無搞錯呀!
兄弟丙：(頭望一望Kevin)咦，個個咪Josh之前個基佬女朋友，無d身材，真係貪佢有內在美咩?
                  都唔知點解Josh咁都揀既!
兄弟乙：人地Josh兩性取向架嘛，男又得女又得，比著我真係頂唔順d死基佬囉! lesbian就話姐。
兄弟甲：(望住兄弟乙)都唔明你既!我就覺得無咩分別啦，戀愛自由架嘛!依家男女平等架啦，你
                  小心人地告你歧視呀。
兄弟乙：(望一望Kevin個張台)咦，佢個袋好似係LV黎架喎，好貴架喎，唔洗諗一定係Josh送啦!
兄弟丙：係呀，Josh送架，我之前聽佢講過!
兄弟甲：依家d女仔咩都男仔送架啦!(望住麥子講)聽講麥子你前排送左個電話比女朋友喎!
兄弟丙：(驕傲)我愛佢嘛，有咩唔得姐!
兄弟乙：其實女仔有時都會送d朱古力呀蛋糕呀個d野比我地架啦，男同女咪一樣平等！
兄弟甲：(望住Josh出場，指住佢)你睇，Josh終於黎啦!
Josh拖住呀貞出場，SoptLight轉移射向他們和Kevin
女朋友：(望住Josh，不過仲坐住係度)死佬!真係識左個新女朋友!
                  (起身走向Josh)
                  (打Josh一巴)賤人!
慢慢落幕，麥靜儒彈琴，Kevin唱Fiona既886，部份演員伴舞!

－END－