咁耐唔學單車就係怕會撞倒周身都瘀，　但係最終都的起心肝，　因為見到可以自己一

個人或同人一起到處去，真係唔錯嘅，沿途最鐘意去邊就去邊，　以前凈識坐老公嘅單車

尾，　我係５月３號第一次學，　撞到兩隻腳瘀到七彩，痛到入心入肺，　返到公司比d

同事睇，佢地話係咪比老公打，　真係比佢地激死，　睇落又係幾似比人虐待，　第二次

學了半個鐘，　便識得行幾步，　不過就左搖右擺不定，　如果前面有人就驚定先，　因為

驚控制唔到撞倒人地，咁就唔係幾好意思，　行到好似飲醉酒行S形，　撞到舊瘀傷痛到飛

起，　不過都唔可以比人睇死唔識，　最終到第三次己學到怎樣控制，　不過前面有D路較

窄好多時都過唔到，　可能技術上及信心都差少少，下次第四次應該又會進步少少，　人地

話昜過學游水，初時都唔信，　我學游水都好多次先得，　呢幾次學單車，　出汗多到件衫

都濕晒，　相信好過好多運動，　因為好緊張到同部車好似鬥力咁，　初時唔識得点就力，　

每次學完一個鐘返到屋企攰到死，捽跌打酒又痛到飛起，　今日學第四次應該好好多，　努

力加油呀！如果可以到南生圍就好囉! 　嘩南生圍出晒名靚爆，好多電視劇同電影都係道取

景。！！