今日係年廿8,本來講好左幫呀媽,點知…都係出左去玩,(見佢地聽日要番大陸先出黎玩)我地約左8點半係新都會等…我同我細妹遲到…有我,我細妹,seeing,大口,羅文堅,我地跟住就去行花市…1入到去,我同seeing就同羅文堅講,如果你摘到個桔番黎,我同seeing就食左佢,點知佢即刻走去人地間舖到摘,摘完之後,我地話,下,你摘1個我地唔食嫁,摘哂成盆先食…跟住,佢冇野好講…我地繼續行,1路行1路打架,勁白痴,我整到羅文堅隻耳仔紅哂…抵死…行到9點幾,我地就行去林士德訂位,我地去打羽毛球,去到門口,翠怡就黎喇…之後,我地就入去喇,入到去,佢話要10點先有位,所以,我地就出去行陣,10點,我地又行番去…打完就11點,之後,我地就走喇…我本來約左呀媽去食糖水,所以,就送埋翠怡番屋企…點知…送完翠怡番屋企,我細妹就話夜d番,所以,就陪佢…跟住,我地就去許留山食糖水,d芒果勁酸,難為羅文堅話甜…食完之後,就話去睇戲,睇午夜場---12點半,本來諗住打比翠怡叫佢黎睇,點知冇佢手提加上冇時間買飛…sorry…之後,我地就睇戲---最愛女人購物狂,都幾好睇,佢地搶新娘個到好好笑,睇完都2點幾,咩車都冇哂…所以我地搭的士,我同我細妹搭的士,羅文堅同seeing搭的士,大口就行路番屋企,我細妹本來話玩通頂,不過我好眼訓…點知我問佢地眼唔眼訓,佢地個個都話唔眼訓,但係夜晚都冇野行嫁啦,不如番屋企訓覺…所以,我地搭的士番屋企,番到屋企3點幾,跟住,訓左落床1陣,個電話響…勁大聲,好在冇嘈醒我呀爸呀媽細妹,跟住,我即刻叫左我細妹拎電話比我,1聽,原來係羅文堅,打黎問我番左屋企未...之後,就傾左陣,傾到4點幾,佢話佢呀爸醒左,要收線…所以就收線訓覺喇…