今日,陳詩琪冇番,雖然冇咩影響,不過,我諗最大影響都係...朱古力

我今日落到去陳詩琪屋企樓下,見佢未到,所以我走,因為佢通常1早企係到等我,所以,我估佢冇番...番到學校,就去locker個邊搵朱古力拎書,點知...佢真係係到,我同佢講:陳詩琪可能冇番,唔駛拎佢d書啦,佢同我講:哦,佢琴日同我講去睇醫生,,,今日唔番,哈哈,我同佢講:點解佢同你講,唔同我講...佢話:我點知佢點解同我講唔同你講呀(好答案)...之後,去左癲癲個邊,打鐘...我就同巫巫行上班房,上到班房,點名,今日好勁,有6個人冇番,,,之後,我地3個係到傾計(我,巫巫,黑提),諗番琴日黑提問我地,咩叫xanga???我地話日記囉...佢又問:日記係咩黎嫁???比佢激死!!!我地就話記低今日做過咩囉...佢又問:咩日記唔係寫係簿到既咩???上網到有得打既咩???唉!!!真係比佢呢d問題笑死...中文堂,我地又好似班死屍咁...訓覺,上中文堂真係好悶悶悶...到maths堂,派卷,哈哈!!!我得16分...唔合格...不過,我下次會努力...小息個陣,同巫巫溫書,溫溫下,見到葱葱同朱古力係到玩咸濕"妹",佢地真係好咸濕...英文堂,今日carmen惡左,不過,班房既聲音都冇停過...lunch,我同曉君係學校食,食飽之後,就同曉君周圍行,行行下,個肥仔羅文堅係後面拍曉君,之後,佢就開始發癲喇...係到亂咁講野,講講下,就想打佢喇,點知佢入左廁所,係廁所門口行出行入,不知幾想入去捉佢出黎呀!!!點知...我地有次扮走左,佢個傻仔竟然信,走左出黎,我就捉佢,佢就捉左我入男廁,入到去,班男仔大叫,好在全部都係自己班&係更衣室姐,打鐘,上到去3樓,聽完呀xxxprefect同我講:同學,你條裙過長...我o哂嘴,咁你想點丫,佢話:我幫你剪短d丫,我話:好丫,跟住,佢冇反應,點知...我想走個陣,佢真係想整我條裙,哈哈(不過,我知佢玩既,因為識既)上到班房,我同巫巫好白痴,係到玩...點知曾sir冇啦 啦入黎,因為呀sir可能唔記得左黎或者有d事遲左黎...之後,2堂物理,吳sir 1入黎,波子就串佢,32歲喇...哈哈,但係聽黑提講,佢好似冇咁老,唔知邊個真呢?佢講會考題,點知有1題係過"橋"米線,佢講左過"期"米線,佢講左幾次都係過"期"米線,笑死...之後,黑提仲搞笑,我地今日要"測"生物,巫巫問黑提:駛唔駛計分,黑提話:琴日講話"7"驗,點會計分呀,就算計分,都早d同我地講"7"啦,佢個"測"字講左"7"字,好好笑,之後,我地就教番佢讀番岩,哈哈...測完生物,我地就走喇,哈哈,邦邦同我搭車,之後,就番屋企...番到屋企,見無聊,就睇電視,咁岩睇緊葱葱主演既"放學icu",睇到個5歲既妹妹自創舞步黎跳舞,跳得好好笑,不過,跳得幾好...

今日係吳SIR生日...生日快樂...

今日如常同陳詩琪搭車...上車途中,我地係架車到嘈交(事實上...係同寶英同寶君係到玩),番到學校,諗住搵朱古力拎番D書,但係,佢仲未番,所以,我地係LOCKER個到等佢,等左都幾耐下,所以,我地諗住去癲癲到玩陣,點知,去到癲癲到,個死人朱古力又行去開LOCKER,所以,我地跑去追佢...之後,佢就開LOCKER喇,開完之後,陳詩琪就同超人走左,得番朱古力1個人,拎住1大疊書...慘慘慘...不過,男仔天生就係要"就"女仔,打鐘,我地上禮堂,今日唱詩...嘩!!!MISS唔係唱到好高音姐嘛...哈哈,可以上課室,不過,諗起要行4層樓梯,已經想死...真係好羨慕B班可以係1樓,上到課室,見到CARMEN先岩岩上到黎...唉!!!唔知點解呢幾日D人特別靜...如果日日都可以咁靜就好喇...小息,我地落左去買野食,排隊個陣,係遠處見到個死肥仔,佢以為我見唔到佢,佢即刻行左我地前面...(正傻仔)哈哈,食飽之後,就上左B班,上到去,見到呀旺係到擦黑板...因為黑板寫住"呀旺 寶君"就係呀旺擦黑板個陣,佢順手拎左XXXX本書黎擦,點知比人鬧...佢真係好惡!!!之後,我同陳詩琪就即刻走,走個陣,見到呀囡(寶君)同呀琴係到食野~咁岩我見到CARMEN...我大叫,"MISS有人食野"嚇到佢地傻,上樓梯個陣,見到黑提,葱葱,朱古力,所以,就一路玩一路上樓梯,P.E堂,我地女仔做好似引體上升咁,不過,我地只係停係到就得,但係,都好難難難做,我做得3秒...唔合格,4秒先合格,本來做到嫁,不過,上到去"扇"一"扇"手,搞到...做完之後,打羽毛球,打打下,發覺隻腳有D痛,(原來頭先做引體上升個陣,跳落黎個下,整親隻腳,(好在宜家冇事)...LUNCH,我地上士多食,之後,去左公園睇下見唔見班淫蟲,哈哈,佢地係到呀!!!好開心,因為睇佢地玩個陣,好好笑...玩到塔11倒,我地就番去喇,BIO堂,1個字"悶",放學個陣,同邦邦,大口,陳詩琪行,行行下,大口話"猜程尋",輸左請食麥提莎,開頭,我話唔猜嫁,諗諗下,同佢地玩,開頭個次,佢地出哂包,但我冇猜,所以,猜多次,我出包,點知佢地個個出剪,唉...同佢地猜親,都係我輸,我同佢地猜,未試過WIN,之後,就買,買完,我問大口知唔知朱古力係邊個,哈哈,佢一估就估到...番屋企...

仲有,我覺得何國慶好慘呀!!!佢袋P.E 3"溜"左係巴士,慘...

仲有,陳詩琪今日送左張呀SA既咭比我,好靚嫁!!!多謝...