今日星期2唔駛排隊,上到課室,馮sir係到講chem小測d野,佢係咁問人有冇溫書,點知佢又冇問我,第1堂,maths,陳sir又好長氣咁講左20分鐘野,之後,先開始教書,到英文堂,d時間又係過得勁快(真係上多幾堂都冇所謂)^^,小息,成班5D好似痴左線咁,都唔知點解D人都17,8歲嫁啦,仲玩埋D無聊野,之後,到PHY堂,派番上次份小測,我拎到卷之後,見到個分都冇咩心機,之後,就禁下計數機,竟然合格,開心死我喇!!!之後,到中文堂,今日堂中文都過得幾快(可能因為關SIR冇教書),之後,BIO堂,又係派番上次份小測,呢科完全冇驚過唔合格,因為都唔係好難,LUNCH,上左去食,READING堂,馮SIR又係派番份小測,派極都未到我,原來最後個張先係我,收到份卷都幾開心,哈哈...因為合格(個日去左家長晚會,冇咩點溫過書,淨係去完家長晚會之後先溫左1個鐘),到P.E堂,今日跑9分鐘,真係唔知點解男仔跑7分鐘,女仔跑9分鐘,MISS當我地係超人,放左學,就補A MATHS,今日都唔知做咩野,又冇帶5A書,又冇帶A MATHS,MATHS書同我有仇咩,差唔多5點,就同呀襪搭車番屋企,番到屋企,真係激死我...發覺唔記得帶PHY書番屋企(聽日仲要測PHY),所以就即刻打電話比人,差唔多個個都問齊,個個都話冇,之後,就問個唔係我地學校既人,估唔到佢有,哈哈...又有得溫PHY喇,今次我又要合格呀!!!!!!!